சர்வதேச மகளிர் ரி20 உலகக் கிண்ண கிரிக்கெட் தொடரின் நேற்றைய போட்டியில் தென் ஆபிரிக்க மகளிர் அணியை வீழ்த்தி இங்கிலாந்து மகளிர் அணி வெற்றி பெற்றுள்ளது.
ஷார்ஜா கிரிக்கெட் விளையாட்டரங்கில் நேற்றையதினம் இந்த போட்டி நடைபெற்றிருந்தது.
போட்டியில் நாணயச்சுழற்றசியில் வெற்றி பெற்றிருந்த தென் ஆபிரிக்க மகளிர் அணி முதலில் துடுப்பெடுத்தாடத் தீர்மானித்திருந்தது.
இதனையடுத்து முதலில் துடுப்பெடுத்தாடிய தென் ஆபிரிக்க மகளிர் அணி 20 ஓவர்கள் நிறைவில் 124 ஓட்டங்களுக்கு 6 விக்கட்டுக்களை இழந்திருந்தது.
இதனை தொடர்ந்து இங்கிலாந்து மகளிர் அணிக்கு வெற்றி இலக்காக 125 ஓட்டங்கள் நிர்ணயிக்கப்பட்ட நிலையில் இங்கிலாந்து, 19.2 ஓவர்களில் 3 விக்கெட்களை இழந்து 125 ஓட்டங்களைப் பெற்று வெற்றியீட்டியது.
முதல் இரண்டு ஓவர்களில் 3 ஓட்டங்களை மாத்திரம் பெற்ற இங்கிலாந்து அணி பின்னர் நிதானமாக துடுப்பெடுத்தாடி இந்த வெற்றியை தனதாக்கி கொண்டது.
இந்நிலையில் T20 தொடரின் B பிரிவிலுள்ள இங்கிலாந்து மகளிர் அணி புள்ளிப்பட்டியலில் முதலிடத்திற்கு முன்னேறியுள்ளது.
