அவுஸ்திரேலிய கிரிக்கெட் அணியின் விக்கெட் காப்பாளரும், துடுப்பாட்ட வீரருமான மேத்யூ வேட் (Matthew Wade), சர்வதேச கிரிக்கெட்டில் இருந்து ஓய்வு பெறுவதாக செவ்வாய்க்கிழமை (29) அறிவித்துள்ளார்.
அதேநேரம், அடுத்த மாதம் பாகிஸ்தானுக்கு எதிரான டி20 தொடருக்கான அவுஸ்திரேலிய அணியின் பயிற்சியாளராக அவர் செயற்படுவார் என கிரிக்கெட் அவுஸ்திரேலியா உறுதிபடுத்தியுள்ளது.
எனினும், உலகெங்கிலும் உள்ள சில உள்ளூர் போட்டிகள் மற்றும் லீக்குகளில் மேத்யூ வேட் விளையாடுவார்.
2011 ஒக்டோபரில் சர்வதேச அரங்கில் அறிமுகமான 36 வயதான வேட், 36 டெஸ்ட், 97 ஒருநாள் மற்றும் 92 டி20 போட்டிகளில் விளையாடியுள்ளார்.
இறுதியாக 2024 ஜூன் மாதம் டி20 உலகக் கிண்ணப் போட்டியில் பங்கேற்றார்.
