சீனாவின் முக்கியமான கனிம ஏற்றுமதி மீதான கட்டுப்பாடுகளால் ஏற்படும் விளைவுகள் குறித்த கவலைகள் உலகம் முழுவதும் ஆழமடைந்து வருகின்றன.
இந்த நிலையில், சில ஐரோப்பிய வாகன உதிரிபாக ஆலைகள் உற்பத்தியை நிறுத்திவிட்டன.
மேலும், மெர்சிடிஸ் பென்ஸ் (Mercedes-Benz) அரிய பூமி தாதுக்களின் பற்றாக்குறையிலிருந்து பாதுகாக்க வழிகளைப் பரிசீலித்து வருவதாக தெரிவிக்கப்படுகிறது.
ஏப்ரல் மாதத்தில் சீனா பல்வேறு வகையான அரிய மண் தாதுக்கள் மற்றும் தொடர்புடைய காந்தங்களின் ஏற்றுமதியை நிறுத்த முடிவு செய்தது.
இந்த அறிவிப்பானது உலகெங்கிலும் உள்ள வாகன உற்பத்தியாளர்கள், குறைக்கடத்தி நிறுவனங்கள் மற்றும் இராணுவ ஒப்பந்தக்காரர்களுக்கான விநியோகச் சங்கிலிகளை அச்சத்தில் ஆழ்த்தியது.
பசுமை எரிசக்தி மாற்றத்திற்கு முக்கியமான கனிமத் துறையில் சீனாவின் ஆதிக்கம், அமெரிக்க ஜனாதிபதி டொனால்ட் ட்ரம்புடனான வர்த்தகப் போரில் பெய்ஜிங்கிற்கு ஒரு முக்கியப் புள்ளியாகக் கருதப்படுகிறது.
உலகின் அரிய மண் தாதுக்களில் சுமார் 90% சீனா உற்பத்தி செய்கிறது.
மேலும், அந்த பகுதிகளுக்கு அதைச் சார்ந்திருப்பதால் உற்பத்திக்கு அச்சுறுத்தல்கள் அதிகரிக்கும் என்று வாகனத் துறை பிரதிநிதிகள் எச்சரித்துள்ளனர்.
இது குறித்து புதன்கிழமை நடந்த முதலீட்டாளர் மாநாட்டில் உரையாற்றிய அதன் நிதித் தலைவர் ஷெர்ரி ஹவுஸ்,
பல வாரங்களுக்கு முன்பே பாகங்கள் ஆர்டர் (கொள்வனவுக் கட்டனை) செய்யப்படும் வகையில் மிகவும் ஒழுங்கமைக்கப்பட்ட ஒரு அமைப்பில் இது அழுத்தத்தை ஏற்படுத்துகிறது.
சீனாவின் ஏற்றுமதி கட்டுப்பாடுகள் நிர்வாக அடுக்குகளைச் சேர்க்கின்றன, அவை சில நேரங்களில் சீராகவும், சில சமயங்களில் சிக்கலாகவும் உள்ளது.
நாங்கள் அதை நிர்வகித்து வருகிறோம். இது தொடர்ந்து ஒரு பிரச்சினையாகவே உள்ளது, மேலும் நாங்கள் தொடர்ந்து பிரச்சினைகளைச் சரிசெய்து வருகிறோம் – என்றார்.
இது குறித்து ஐரோப்பிய ஒன்றிய வர்த்தக ஆணையர் மரோஸ் செஃப்கோவிச், நாம் அனைத்து நாடுகளையும், குறிப்பாக சீனா போன்ற பல நாடுகளை, 100% க்கும் அதிகமாக சார்ந்து இருக்கும் நமது சார்புநிலையை குறைக்க வேண்டும் என்று குறிப்பிட்டார்.
ஐரோப்பாவின் ஆட்டோ சப்ளையர் சங்கமான CLEPA, பல உற்பத்தி நடவடிக்கைகள் முடங்கி விட்டதாகவும் கூறியுள்ளது.
ஏப்ரல் தொடக்கத்தில் இருந்து ஆட்டோ சப்ளையர்கள் செய்த நூற்றுக்கணக்கான ஏற்றுமதி உரிமங்களுக்கான கோரிக்கைகளில், இதுவரை கால் பகுதி மட்டுமே வழங்கப்பட்டுள்ளது என்று CLEPA மேலும் கூறியது,
