இலங்கை வெளிவிவகார அமைச்சர் விஜித ஹேரத், மத்திய கிழக்கு முழுவதும் உள்ள வெளிவிவகார அமைச்சர்களுடன் தொடர்ச்சியான உயர்மட்ட கலந்துரையாடல்களை நடத்தியுள்ளார்.
இது இலங்கை புலம்பெயர்ந்த சமூகங்களின் அமைதி, ஸ்திரத்தன்மை மற்றும் நலனுக்கான இலங்கை அரசாங்கத்தின் உறுதிப்பாட்டை அடிக்கோடிட்டுக் காட்டுகிறது.
பஹ்ரைனின் வெளிவிவகார அமைச்சர் கலாநிதி அப்துல்லதீப் பின் ரஷீத் அல் சயானியுடனான தொலைபேசி உரையாடலிலில், பிராந்திய முன்னேற்றங்கள் குறித்த கருத்துக்களை அமைச்சர் விஜித்த ஹேரத் பரிமாறிக் கொண்டார்.
மேலும், ஸ்திரத்தன்மையைப் பாதுகாப்பதில் பதற்றத்தைக் குறைத்தல் மற்றும் இராஜதந்திரத்தின் முக்கியத்துவத்தை வலியுறுத்தினார்.
இலங்கை வெளிநாட்டவர்கள் மீது பஹ்ரைன் கொண்டுள்ள அக்கறைக்கும் அவர் பாராட்டு தெரிவித்தார்.
ஜோர்தானின் துணைப் பிரதமரும் வெளிவிவகார அமைச்சருமான அய்மன் சஃபாடியுடனும் அமைச்சர் விஜித ஹேரத் தொலைபேசியில் பேசினார்.
இதன்போது, அமைதி மற்றும் ஸ்திரத்தன்மைக்கான இலங்கையின் உறுதிப்பாட்டை மீண்டும் உறுதிப்படுத்தினார்.
பிராந்திய அமைதியை மீட்டெடுப்பது ஒரு முதன்மையான முன்னுரிமை என்று இரு தரப்பினரும் இந்த உரையாடலில் ஒப்புக்கொண்டனர்.
இலங்கை சமூகத்திற்கு ஜோர்டான் அளித்த ஆதரவுக்கும் விஜித ஹேரத் நன்றி தெரிவித்தார்.
லெபனான் வெளிவிவகார அமைச்சர் யூசுப் ராகி உடனான கலந்துரையாடலில், இரு தலைவர்களும் தற்போதைய பிராந்திய முன்னேற்றங்கள் குறித்த முன்னோக்குகளைப் பகிர்ந்து கொண்டனர்.
மேலும் நீடித்த இராஜதந்திர ஈடுபாடு மூலம் பதற்றத்தைக் குறைப்பதற்கும் பொதுமக்களைப் பாதுகாப்பதற்கும் கூட்டு உறுதிப்பாட்டை உறுதியளித்தனர்.
இதற்கிடையில், குவைத் வெளிவிவகார அமைச்சர் ஷேக் ஜராஹ் ஜாபர் அல்-அஹ்மத் அல்-சபாவுடன் தொலைபேசியில் பேசிய அமைச்சர் விஜித ஹேரத், அமைதி மற்றும் பாதுகாப்பிற்கான இலங்கையின் பகிரப்பட்ட உறுதிப்பாட்டை மீண்டும் உறுதிப்படுத்தினார்.
இராஜதந்திரம் மூலம் நிதானத்தையும் பதற்றத்தைக் குறைக்கவும் வலியுறுத்தினார்.
மேலும் இலங்கையர்களுக்கு குவைத் தொடர்ந்து அளித்து வரும் ஆதரவிற்கு நன்றி தெரிவித்தார்.
பிராந்திய பதட்டங்கள் அதிகரித்து வரும் நேரத்தில், இலங்கையின் இராஜதந்திர அணுகுமுறையை இந்த உரையாடல்கள் எடுத்துக்காட்டுகின்றன.
