அமெரிக்காவும் வெனிசுலாவில் உள்ள இடைக்கால அரசாங்க அதிகாரிகளும் இராஜதந்திர மற்றும் தூதரக உறவுகளை மீண்டும் நிலைநாட்ட ஒப்புக்கொண்டதாக வொஷிங்டனின் வெளிவிவகார அமைச்சு தெரிவித்துள்ளது.
இந்த நடவடிக்கை வெனிசுலாவில் ஸ்திரத்தன்மையை மேம்படுத்துவதற்கும், பொருளாதார மீட்சியை ஆதரிப்பதற்கும், அரசியல் நல்லிணக்கத்தை முன்னேற்றுவதற்கும் நமது கூட்டு முயற்சிகளை எளிதாக்கும் என்று வொஷிங்டனின் வெளிவிவகார அமைச்சு ஒரு அறிக்கையில் குறிப்பிட்டுள்ளது.
ஜனவரி மாதம் அமெரிக்க இராணுவம் ஒரு திடீர் தாக்குதலில் வெனிசுலா ஜனாதிபதி நிக்கோலஸ் மதுரோவைக் கைது செய்ததிலிருந்து இரு நாடுகளினதும் இராஜதந்திர உறவுகள் மேம்பட்டு வரும் நிலையில், முறையான இருதரப்பு உறவுகள் பற்றிய அறிவிப்பு ஒரு மிகப்பெரிய எடுத்துக் காட்டாக அமைகிறது.
மதுரோவை கைது செய்ததைத் தொடர்ந்து இரு நாடுகளிலும் இராஜதந்திர பணிகளுடன் அமெரிக்காவுடன் உறவுகளை மீண்டும் கட்டியெழுப்புவதில் ரோட்ரிகஸின் வெனிசுலா இடைக்கால அரசாங்கம் ஆர்வம் காட்டியுள்ளது.
மதுரோவின் கைதின் பின்னர் 2019 இல் மூடப்பட்ட கராகஸில் உள்ள அமெரிக்க தூதரகம் மீண்டும் திறக்கப்பட்டுள்ளது, மேலும் வொஷிங்டன் வெனிசுலாவில் ஒரு புதிய தூதரை நியமித்துள்ளமையும் குறிப்பிடத்தக்கது.
