2026 பிபா உலகக் கிண்ண கால்பந்தாட்ட தொடரில் அமெரிக்கா மற்றும் பராகுவே அணிகளுக்கிடையிலான போட்டியில் 4-1 என்ற கோல் கணக்கில்அமெரிக்கா அணி வெற்றிப்பெற்றுள்ளது.
அந்த அணி முதலாவது பாதியில் விளாசிய மூன்று கோல்களின் உதவியுடன் அசத்தலான வெற்றியைப் பதிவு செய்துள்ளது.
பராகுவே அணியை 4-1 என்ற கோல் கணக்கில் வீழ்த்தியதன் மூலம்இ உலகக் கிண்ண போட்டியொன்றில் 24 ஆண்டுகளுக்குப் பிறகு ஒன்றுக்கும் மேற்பட்ட கோல் வித்தியாசத்தில் அமெரிக்க அணி தனது முதல் வெற்றியைப் பெற்றுள்ளது.
போட்டியின் 7-வது நிமிடத்தில் எதிரணியினர் அடித்த ‘ஓன் கோல்’அமெரிக்காவிற்கு முன்னிலையை வழங்கியது.
அதனைத் தொடர்ந்து, முதலாவது பாதியின் இறுதி நொடியில் அடிக்கப்பட்ட கோல் உட்பட அந்த அணியின் முன்கள வீரர் போலரின் பலோகன் (Folarin Balogun) இரண்டு கோல்களை அடித்தார்.
இது அமெரிக்க அணியின் வரலாற்றிலேயே மிகச் சிறந்த ஆதிக்கத்தை வெளிப்படுத்திய ஆட்டங்களில் ஒன்றாக அமைந்ததோடு அணிக்கு ஒரு வலுவான முன்னிலையையும் தேடித்தந்தது.
போட்டியின் இரண்டாவது பாதியில் பராகுவே அணி ஒரு கோல் அடித்து மீள முயற்சித்த போதிலும் ஆட்டத்தின் இறுதிப் பகுதியான 98-வது நிமிடத்தில் அமெரிக்க வீரர் ஜியோ ரெய்னா ஒரு கோல் அடித்து, மீண்டும் கோல் வித்தியாசத்தை மூன்றாக உயர்த்தினார்.
