நியூயோர்க்கில் நடைபெற்ற 81-வது ஐக்கிய நாடுகள் பொதுச் சபைக் கூட்டத்தின் ஒரு பகுதியாக, வெளியுறவு, வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித்த ஹேரத், ஐக்கிய நாடுகள் சபையின் பொதுச் செயலாளர் அன்டோனியோ குட்டரஸுடன் பேச்சுவார்த்தை நடத்தினார்.
இலங்கையின் தற்போதைய பொருளாதார மீட்சி மற்றும் சீர்திருத்தத் திட்டம், அத்துடன் நல்லிணக்கத்தை நோக்கிய முயற்சிகள் ஆகியவை குறித்து இக்கூட்டத்தில் கவனம் செலுத்தப்பட்டதாக அமைச்சர் தெரிவித்தார்.
வளர்ந்து வரும் நாடுகளுக்கு கூடுதல் ஆதரவை வழங்கும் நோக்கில், சர்வதேச நிதிக் கட்டமைப்பில் மேற்கொள்ளப்பட வேண்டிய சீர்திருத்தங்கள் குறித்தும் இரு தரப்பினரும் கருத்துக்களைப் பரிமாறிக் கொண்டனர்.
ஐக்கிய நாடுகள் சபையின் அமைதி காக்கும் நடவடிக்கைகளுக்கு இலங்கை அளித்து வரும் பங்களிப்பு குறித்தும் இக்கூட்டத்தில் கலந்துரையாடப்பட்டது.
ஐக்கிய நாடுகள் சபையின் பொதுச் செயலாளருடனான இந்தச் சந்திப்பு சுமூகமானதாகவும் ஆக்கபூர்வமானதாகவும் அமைந்திருந்ததாக வெளியுறவுத்துறை அமைச்சர் குறிப்பிட்டார்.
