வவுனியா- இராசேந்திரகுளம் குளப்பகுதியில் மீன்பிடிக்க சென்றவர் சடலமாக கண்டெடுக்கப்பட்டுள்ளார்.
இன்று (வெள்ளிக்கிழமை) காலை குறித்த நபர், இராசேந்திரகுளத்தில் மீன்பிடிப்பதற்காக தனது வீட்டில் இருந்து சென்றுள்ளார்.
இவ்வாறு மீன்பிடிப்பதற்காக சென்றவர் நீண்ட நேரமாகியும் வீடுதிரும்பாத நிலையில், அவரது மனைவி குளத்து பகுதிக்கு சென்று தேடியுள்ளார்.
இதன்போது குளப்பகுதியில் காணப்பட்ட பிட்டியில் சடலமாக அவர் கண்டறியப்பட்டுள்ளார்.
மின்னல் தாக்கத்தின் காரணமாக இறந்திருக்கலாம் என்று தெரிவிக்கப்படுகின்றது.
குறித்த சம்பவத்தில் சிவலிங்கம் தினேஷ்குமார் (வயது – 28) என்ற இளம் குடும்பஸ்தவரே சடலமாக கண்டெடுக்கப்பட்டுள்ளார்.
மேலும், சம்பவ இடத்திற்கு சென்ற கிராம சேவையாளர் பிரதீப் மற்றும் நெளுக்குளம் பொலிஸார் மேலதிக விசாரணைகளை ஆரம்பித்துள்ளனர்.
