பலூச் மக்களைக் கொல்வதற்காக முன்னாள் பிரதமர் இம்ரான் கான் தலைமையிலான பாகிஸ்தான் தெஹ்ரீக்-இ-இன்சாப் அரசாங்கம் மற்றும் பாகிஸ்தான் தேசிய சட்டமன்றத்தில் பாதுகாப்புப் படையினருக்கு எதிராக பலுச்சிஸ்தானின் சட்டமியற்றுபவர்கள் கோசங்களை எழுப்பியுள்ளனர்.
பலுசிஸ்தானில் உள்ள சாகாய் மாவட்டத்தில் ஒடுக்கப்பட்ட பலூச் மக்கள் மீது பாதுகாப்புப் படையினர் துப்பாக்கிச் சூடு நடத்தியதில் ஆறு பேர் கொல்லப்பட்டதோடு பலர் காயமடைந்தனர்.
பாகிஸ்தான் படைகள் பலுசிஸ்தானின் சிறுபான்மை இனப்பகுதிகளைச் சேர்ந்த பல வாகன ஓட்டுநர்களை தங்கள் வாகனங்களைக் கைவிட்டு, பாலைவனத்தின் வழியாக ஆப்கானிஸ்தானின் எல்லைக்கு அருகில் உள்ள சாகாய் மாவட்டத்தில் உள்ள தங்கள் வீடுகளுக்கு அணிவகுத்துச் செல்லும்படி கட்டாயப்படுத்தியதாகக் கூறப்படுகிறது.
பலுச்சிஸ்தான் தேசிய கட்சியின் உறுப்பினர், பலூச் மக்கள் 1947 ஆம் ஆண்டு முதல் சட்டத்திற்கு புறம்பான கொலைகளுக்கு பலியாகியுள்ளனர் என்றும் தற்போதும் அவ்விதமான சம்பவங்கள் நடைபெற்று வருவதாகவும் வருத்தம் தெரிவித்தார்.
பிரதமர் ஷெரீப் வீட்டில் இல்லாத நிலையில், பாகிஸ்தான் முஸ்லீம் லீக்-நவாஸ் தலைவர் கவாஜா, ஆசிப் எதிர்ப்பு தெரிவித்த பலுச்சிஸ்தான் தேசிய கட்சி சட்டமன்ற உறுப்பினர்களுக்குப் பதிலளித்தார், பலுசிஸ்தான் பிரச்சினை 1960 களில் இருந்து உள்ளது.
பலுசிஸ்தான் மக்களுடன் அத்துமீறி நடந்து கொண்டதாகவும் அவர்களுடனான ஒப்பந்தங்கள் மீறப்பட்டதாகவும் அவர் ஒப்புக்கொண்டார்.
முகமது ஜமாலுடின், மூன்று நாட்களுக்கு முன்பு ஆப்கானிஸ்தானின் எல்லை நகரமான கோஸ்டில் நடந்த குண்டுவெடிப்பின் போது வஜிரிஸ்தானின் பெண்கள் மற்றும் குழந்தைகள் கொல்லப்பட்டதாகக் குற்றம் சாட்டினார்.
எங்கள் கட்டமைப்புக்கள் மிகவும் பலவீனமாக உள்ளதா? அவர்கள் (பயங்கரவாதிகள்) எங்கள் பகுதிகளுக்கு அடிக்கடி வருகை தருகிறார்கள். அவர்கள் 40 முதல் 50 கிலோமீற்றர்கள் பயணம் செய்த பிறகு கலாஷ்னிகோவ்களை சுமந்துகொண்டு குதிரைகளில் நடனமாடுகிறார்கள். அவர்கள் அவர்களை (பயங்கரவாதிகளை) பார்க்கவில்லையா? என்று கேள்வி எழுப்பியுள்ளார்.
மனித உரிமை மீறல்கள் மற்றும் ‘குண்டு தாக்குதல்கள்’ குறித்து கவனத்தை ஈர்த்த பலுச்சிஸ்தான் தேசிய கட்சியின தலைவர், அப்பகுதியில் தலிபான்கள் அல்லது பயங்கரவாதிகள் இருந்தால், பாதுகாப்புப் படையினர் அவர்களுக்கு எதிராக நடவடிக்கை எடுக்க வேண்டும் என்று கூறினார்.
பழங்குடியின மக்கள் மீதான இத்தகைய ‘குண்டு தாக்குதல்கள்’ மனித உரிமைகள் மற்றும் பாகிஸ்தானின் அரசியலமைப்பை மீறுவதாக அவர் குறிப்பிட்டார்.
பயங்கரவாதிகளுக்கு எதிராக பாதுகாப்புப் படையினர் நடவடிக்கை மேற்கொண்டு வரும் நிலையில், அப்பாவி மக்கள் பாதிக்கப்படவோ அல்லது குறிவைக்கப்படவோ கூடாது என்றும் அவர் வலியுறுத்தினார்.
