தமிழ் சினிமாவில் பிரபல இயக்குனரான நெல்சன் திலிப்குமார் ரஜினிகாந்த் நடிப்பில் இயக்கிய ஜெயிலர் திரைப்படம் மிகப் பெரிய வரவேற்பைப் பெற்றது. அதை தொடர்ந்து சமீபத்தில் நெல்சன் அவரது தயாரிப்பு நிறுவனத்தை தொடங்கியுள்ளார். அதற்கு ஃபிலமண்ட் பிக்சர்ஸ் என பெயரிட்டுள்ளார்.
நெல்சன் தயாரிப்பில் முதலாவதாக வெளியாகவுள்ள படத்தில் கவின் கதாநாயகனாக நடித்துள்ளார். இப்படத்தை அறிமுக இயக்குனரான சிவபாலன் முத்துகுமார் இயக்கியுள்ளார். இவர் இதற்கு முன் நெல்சன் திலிப்குமாரிடம் உதவி இயக்குனராக பணியாற்றியுள்ளார்.
படத்திற்கு “Bloody Beggar” என தலைப்பிடப்பட்டுள்ளது. திரைப்படத்தின் வெளியீட்டு திகதி படக்குழு தற்போழுது அறிவித்துள்ளனர். திரைப்படம் வரும் அக்டோபர் 31 ஆம் திகதி தீபாவளியை முன்னிட்டு வெளியாகவுள்ளது.
தீபாவளிக்கு சிவகார்த்திகேயன் நடித்த அமரன், ஜெயம் ரவியின் பிரதர் ஆகிய படங்கள் வெளியாகவுள்ளமை குறிப்பிடத்தக்கது.
