எல்ல – வெல்லவாய வீதியில் இடம்பெற்ற பேருந்து விபத்தில் 15 பேர் உயிரிழந்த சம்பவம் தொடர்பில் ஒருவர் கைது செய்யப்பட்டுள்ளார்.
எல்லாவிலிருந்து வெல்லவாயா நோக்கிச் சென்ற பேருந்து, எதிரே வந்த ஜீப் வாகனத்துடன் மோதியதனால் பள்ளத்தாக்கில் கவிழ்ந்து விபத்துக்குள்ளானதாக பொலிஸார் தெரிவித்தனர்.
விபத்து தொடர்பாக சம்பந்தப்பட்ட ஜீப்பின் சாரதி கைது செய்யப்பட்டுள்ளார்.
நேற்று (04) இரவு 9 மணியளவில் நடந்த இந்த விபத்தில் 15 பேர் உயிரிழந்தனர் மற்றும் 18 பேர் காயமடைந்து வைத்தியசாலையில் அனுமதிக்கப்பட்டுள்ளனர்.
மேலும், பேருந்து பயணிகளை மீட்க உதவிய இரண்டு பேரும் காயமடைந்து பதுளை வைத்தியசாலையில் சிகிச்சைக்காக அனுமதிக்கப்பட்டுள்ளனர்.
விபத்து தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.
