2004 ஆம் ஆண்டு ஏற்பட்ட சுனாமி பேரழிவினால் நமது நாட்டில் 35,000 இற்கும் அதிகமானோர் உயிரிழந்ததுடன், 5,000 இற்கும் அதிகமானோர் காணாமல் போனார்கள்.
அத்துடன் பில்லியன் கணக்கான பெறுமதியுடைய சொத்துக்களும் அழிவடைந்தன.
2005 ஆம் ஆண்டு முதல் ஒவ்வொரு ஆண்டும் டிசம்பர் மாதம் 26 ஆம் திகதி “தேசிய பாதுகாப்பு தினம்” (National Safety Day) எனப் பிரகடனப்படுத்தப்பட்டுள்ளது. அன்றைய தினம் சுனாமி பேரழிவினாலும், அதுமுதல் இன்றுவரை பல்வேறு அனர்த்தங்களினாலும் நாட்டில் உயிரிழந்த அனைவரையும் நினைவுகூர்ந்து, மக்களின் பங்களிப்புடன் தேசிய பாதுகாப்பு தின நினைவு நிகழ்வுகள் நடத்தப்பட்டு வருகின்றன.
இம்முறை “தேசிய பாதுகாப்பு தின” திட்டத்தின் கீழ், டிட்வா (Ditwa) சூறாவளி காரணமாக நாட்டில் நிலவும் சமூக மற்றும் பொருளாதார நிலைமைகளைக் கருத்திற்கொண்டு, மாவட்ட மட்டத்தில் சர்வ மத வழிபாட்டுத் திட்டங்களை நடத்தத் திட்டமிடப்பட்டுள்ளது.
அதேபோல், இம்முறை டிசம்பர் 26 ஆம் திகதி “தேசிய பாதுகாப்பு தின” பிரதான நினைவு நிகழ்வு, காலி “பெரலிய சுனாமி நினைவிடத்திற்கு” அருகில் 26.12.2025 அன்று காலை 09.30 மணி முதல் முற்பகல் 11.00 மணி வரை நடைபெறவுள்ளது.
மேலும், “தேசிய பாதுகாப்பு தினத்தை” முன்னிட்டு சுனாமி பேரழிவிலும் ஏனைய அனர்த்தங்களினாலும் உயிரிழந்த பொதுமக்களை நினைவுகூரும் வகையில், நாடு முழுவதும் காலை 9.25 மணி முதல் 9.27 மணி வரை இரண்டு நிமிட மௌன அஞ்சலி செலுத்தப்பட வேண்டும்.
எனவே, தேசிய பாதுகாப்பு தினத்தை முன்னிட்டு 2025 டிசம்பர் 26 ஆம் திகதி முற்பகல் 9.25 மணி முதல் 9.27 மணி வரை சுனாமி பேரழிவிலும் ஏனைய அனர்த்தங்களினாலும் உயிரிழந்தவர்களை நினைவுகூர்ந்து இரண்டு நிமிட மௌன அஞ்சலியை கடைப்பிடிக்குமாறு பொதுமக்களிடம் கேட்டுக்கொள்ளப்படுகிறது.
2004 டிசம்பர் 26 அன்று, தென் இலங்கையின் காலிக்கு அருகிலுள்ள கடலோர கிராமமான பெரலியவை இந்தியப் பெருங்கடல் சுனாமி அதிகளவில் தாக்கியது.
இது வரலாற்றில் மிக மோசமான ரயில் பேரழிவுகளில் ஒன்றை ஏற்படுத்தியது.
சுமார் 1,700 பேருடன் கொழும்பிலிருந்து காலிக்கு சென்ற சமித்ரா தேவி பயணிகள் ரயில் காலை 9:30 மணியளவில் 10 மீட்டர் உயரம் வரையான பல அலைகளால் தடம் புரண்டது.
பெருக்கெடுத்து ஓடிய நீரோட்டம் ரயிலை தண்டவாளத்தில் இருந்து அடித்துச் சென்றது.
இதில், குறைந்தது 1,000 பயணிகளை வரை உயிரிழந்தனர்.
அதேநேரம், ஆழிப்பேரலையினால் பெரலிய நகரம் அழிக்கப்பட்டது, நூற்றுக்கணக்கான கிராமவாசிகள் இறந்தனர், கிட்டத்தட்ட அனைத்து கட்டிடங்களும் அழிக்கப்பட்டன.
டிசம்பர் 26 அன்று சுமத்ராவில் ஏற்பட்ட 9.0 ரிக்டர் அளவிலான நிலநடுக்கத்தால் தூண்டப்பட்ட 2004 இந்தியப் பெருங்கடல் சுனாமி, இலங்கையின் கிழக்கு, தெற்கு மற்றும் மேற்கு கடற்கரைகளை பேரழிவிற்கு உட்படுத்தியது.
கடலோர சமூகங்கள், உள்கட்டமைப்பு மற்றும் 100,000க்கும் மேற்பட்ட வீடுகளை அழித்தது.
இது சுமார் 35,000 மக்களைக் கொன்றது மற்றும் சுமார் 500,000 பேரை இடம்பெயரச் செய்தது.
இது இலங்கையின் மிக மோசமான இயற்கை பேரழிவாகும்.
இதேவளை, 2025 நவம்பர் 28 அன்று இலங்கையின் கிழக்கு கடற்கரையில் கரையைக் கடந்த டித்வா சூறாவளியால் நாடு மற்றுமோர் பேரழிவினை சந்தித்தது.
நாடு முழுவதும் பலத்த மழை, வெள்ளம் மற்றும் மண்சரிவுகளை ஏற்படுத்தியது.
வடகிழக்கு பருவமழையால் தீவிரமடைந்த இது, நாட்டின் கிட்டத்தட்ட ஒவ்வொரு மாவட்டத்தையும் பேரழிவிற்கு உட்படுத்தி, 2.2 மில்லியனுக்கும் அதிகமான மக்களைப் பாதித்தது.
பாதிப்புகளில் 800க்கும் மேற்பட்டோர் இறந்தனர் அல்லது காணாமல் போனார்கள்.
இலட்சக்கணக்கானோர் இன்னும் கடுமையான விவசாய இழப்புகள் மற்றும் வீடுகளை இழந்து இடம்பெயர்ந்துள்ளனர்.
