தண்ணீர் பற்றாக்குறை காரணமாக, கொழும்பின் பல பகுதிகளில் ஏப்ரல் 2 முதல் ஏப்ரல் 10 வரை மூன்று மணி நேர நீர் வெட்டு அமுல்படுத்தப்படும் என தேசிய நீர் வழங்கல் மற்றும் வடிகால் அமைப்புச் சபை (NWSDB) தெரிவித்துள்ளது.
அந்த அறிவிப்பின்படி, பாமன்கடை, பத்தரமுல்லை, வெள்ளவத்தை, நாவல மற்றும் அதனைச் சுற்றியுள்ள பகுதிகளில் ஒரு நாள் விட்டு ஒரு நாள் இரவு 10.00 மணி முதல் அதிகாலை 1.00 மணி வரை நீர் வெட்டு அமுல்படுத்தப்படும்.
குறைந்த அளவு தண்ணீர் விநியோகத்தை நிர்வகிப்பதற்காக இந்த தற்காலிக தண்ணீர் வெட்டுகள் அமல்படுத்தப்படுவதாகவும், பாதிக்கப்பட்ட பகுதிகளில் வசிக்கும் மக்கள் இக்காலகட்டத்தில் தண்ணீரை சிக்கனமாகப் பயன்படுத்தவும், தேவையான ஏற்பாடுகளைச் செய்துகொள்ளவும் அறிவுறுத்தப்படுவதாக அதிகாரிகள் தெரிவித்தனர்.
பற்றாக்குறை தொடர்வதால், பொதுமக்கள் தண்ணீரைச் சேமிக்குமாறும் தேசிய நீர் வழங்கல் மற்றும் வடிகால் அமைப்புச் சபை அறிவுறுத்தியுள்ளது.
