டெலிகிராஃபிக் பரிமாற்றங்கள் மூலம் வெளிநாட்டுக் கணக்குகளுக்கு 24.8 பில்லியன் ரூபாய்க்கு இணையான வெளிநாட்டு நாணயத்தை மாற்றியதாகக் கூறப்படும் விவகாரம் தொடர்பாக, கொட்டிகாவத்தை பகுதியைச் சேர்ந்த ஒருவரை நிதிக்குற்றப் புலனாய்வுப் பிரிவு (FCID) கைது செய்துள்ளது.
இந்த நிதிப் பரிவர்த்தனைகள் 2024 டிசம்பர் முதல் 2025 நவம்பர் வரையிலான காலப்பகுதியில் இடம்பெற்றுள்ளதாக பொலிஸார் குறிப்பிட்டனர்.
இலங்கைக்குப் பொருட்கள் எதையும் இறக்குமதி செய்யாமலேயே குறித்த நிதிகள் வெளிநாட்டுக் கணக்குகளுக்கு மாற்றப்பட்டதாகப் புலனாய்வாளர்கள் குற்றம் சாட்டுகின்றனர்.
நிதிக்குற்றப் புலனாய்வுப் பிரிவு (FCID), அந்தப் பரிவர்த்தனைகள் மற்றும் பணப் பரிமாற்றங்கள் தொடர்பான சூழல்கள் குறித்து மேலதிக விசாரணைகளை மேற்கொண்டு வருகிறது.
