இந்திய அணியின் முன்னாள் தலைவர் சௌரவ் கங்குலி, 2027 இந்தியன் பிரீமியர் லீக் (IPL) சீசனுக்கான டெல்லி கேப்பிடல்ஸ் அணியின் தலைமைப் பயிற்சியாளராக நியமிக்கப்பட்டுள்ளார்.
அந்த அணியில் பல்வேறு பொறுப்புகளில் பல ஆண்டுகள் பணியாற்றிய பின்னர், அவர் முதன்முறையாக இந்த அணியின் பொறுப்பை ஏற்கிறார்.
2019-ஆம் ஆண்டு முதல் டெல்லி கேபிட்டல்ஸ் அணியுடன் இணைந்து செயல்பட்டு வரும் கங்குலி, ஆண்கள் மற்றும் பெண்கள் அணிகளுக்கான கிரிக்கெட் பணிப்பாளர் உள்ளிட்ட பல்வேறு பொறுப்புகளை வகித்துள்ளார்.
இந்தப் பொறுப்பேற்பின் மூலம், ஐபிஎல் (IPL) அணியின் தலைமைப் பயிற்சியாளராக அவர் முதன்முறையாகப் பணியாற்றவுள்ளார்.
இரண்டு IPL சீசன்களுக்கான பொறுப்பு வகித்த ஹேமங் பதானிக்குப் பதிலாக இவர் நியமிக்கப்பட்டுள்ளார்.
54 வயதான இவர், கடந்த ஆண்டு SA20 தொடரில் ‘பிரிட்டோரியா கேப்பிடல்ஸ்’ அணியை வழிநடத்தியதன் மூலம் முதன்முறையாக தலைமைப் பயிற்சியாளர் பொறுப்பை ஏற்றார்.
கங்குலியின் தலைமையின் கீழ், பிரிட்டோரியா அணி தென்னாப்பிரிக்க டி20 போட்டியின் இறுதிப் போட்டிக்கு முன்னேறியது.
வங்காள கிரிக்கெட் சங்கத்தின் தலைவராகவும் செயல்படும் கங்குலி, ஒரு வலுவான மற்றும் அச்சமற்ற அணியை உருவாக்குவதில் தனது பயிற்சியாளர் குழு கவனம் செலுத்தும் என்று கூறியுள்ளார்.
இதேவேளை, டெல்லி கேபிடல்ஸ் அணியில் இந்திய அணியின் முன்னாள் சகலதுறை வீரர் யுவராஜ் சிங் இணையக்கூடும் என்றும் பரவலாகக் கருதப்படுகிறது.
முந்தைய சீசனில் ஐந்தாவது இடத்தைப் பிடித்திருந்த டெல்லி அணி, 2026 ஐபிஎல் தொடரில் ஆறாவது இடத்தைப் பிடித்தமையும் குறிப்பிடத்தக்கது.
