ஜம்மு- காஷ்மீர் மாநிலம், சோபியான் மாவட்டத்தில் பாதுகாப்பு படையினரால் இரண்டு பயங்கரவாதிகள் இன்று (ஞாயிற்றுக்கிழமை) சுட்டுக் கொல்லப்பட்டுள்ளனர்.

சோபியான், குட்போரா பகுதியில் சில பயங்கரவாதிகள் பதுங்கி இருப்பதாக பாதுகாப்பு படையினருக்கு கிடைத்த இரகசிய தகவலின் அடிப்படையில் தீவிர தேடுதல் நடவடிக்கையில் அவர்கள் நேற்று (சனிக்கிழமை) ஈடுபட்டனர்.

இதன்போது அப்பகுதியில் பதுங்கியிருந்த பயங்கரவாதிகள் துப்பாக்கி பிரயோகத்தினை மேற்கொள்ள ஆரம்பித்தமையை தொடர்ந்து இரு தரப்பினருக்கும் இடையில் கடுமையான துப்பாக்கிச் சண்டை நடைபெற்றுள்ளது.

இவ்வாறு இன்று காலைவரை நீடித்த துப்பாக்கிச் சண்டையில் இரு பயங்கரவாதிகள் சுட்டுக் கொல்லப்பட்டதாகவும் இரு பயங்கரவாதிகள் காயங்களுடன் தப்பி சென்றுள்ளதாகவும் இந்திய இராணுவ தகவல்கள் தெரிவிக்கின்றன.

இதேவேளை சர்வதேச எல்லையில் இந்திய படைகள் நேற்று முன்தினம் நடத்திய துப்பாக்கிச் சூட்டில் பாகிஸ்தான் பெண் ஒருவர் உயிரிழந்தமைக்கு இந்திய தூதரை அழைத்து பாகிஸ்தான் தனது கண்டனத்தை வெளியிட்டமையும் குறிப்பிடத்தக்கது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.