காங்கிரஸ் கட்சிக்கு வாக்களிக்காவிட்டாலும் பரவாயில்லை, தனது இறுதிச்சடங்கிலாவது கலந்துகொள்ளுமாறு காங்கிரஸ் தேசிய தலைவர் மல்லிகார்ஜுன கார்கே தெரிவித்துள்ளார்.
கர்நாடகாவின் அப்ஜல்புரா பகுதியில் நேற்று இடம்பெற்ற காங்கிரஸ் கட்சியின் பொதுக்கூட்டத்தில் கலந்து கொண்டு உரையாற்றியபோதே அவர் இவ்வாறு தெரிவித்துள்ளார்.
இதன் போது ” தேர்தலில் காங்கிரஸ் கட்சிக்கு வாக்களிக்காவிட்டாலும் பரவாயில்லை, தனது இறுதிச் சடங்கின் போது, கட்சிக்காகச் செய்த பணிகளை நினைவுகூர்ந்து அனைவரும் இறுதிச் சடங்கில் கலந்துகொள்ளவேண்டும் எனவும் தெரிவித்துள்ளார்.
அத்துடன் தான் பிறந்ததே அரசியலுக்காகத்தான் எனவும், இது தனக்கு இறுதித் தேர்தல் அல்ல எனவும், அரசியலமைப்பை பாதுகாக்க தன் உயிர் உள்ள வரை போராடுவேன்” எனவும் அவர் தெரிவித்துள்ளார்.
