ஆட்சியில் உள்ள பாஜக அரசை பிரிட்டிஷ் ஆட்சியுடன் ஒப்பிட்டு தெலங்கானா முதல்வர் ரேவந்த் ரெட்டி விமர்சித்துள்ளார்.
காங்கிரஸ் கட்சி வேட்பாளரை ஆதரித்து நேற்று (25) தேர்தல் பிரசாத்தில் ஈடுபட்டபோது அவர் இதனை தெரிவித்தார்.
“இந்தியாவை கைப்பற்றுவதற்கு முன்பாக பிரிட்டிஷ் நாட்டவர்கள் சூரத் நகரில் தொழிலை ஆரம்பித்த அதே பாணியில், பிரதமர் மோடியும், அமித் ஷாவும் சூரத்திலிருந்தே ஆரம்பித்து நாட்டை கைப்பற்றியதாகவும், அதன் மூலம் மக்கள் பணத்தை கொள்ளையடித்ததாகவும் அவர் குற்றஞ்சாட்டியுள்ளார்.
பிரிட்டிஷ் ஆட்சியில் இடஒதுக்கீடு உட்பட எந்த நலனும் மக்களுக்கு இல்லை. அதே வழியில் பயணித்து நாட்டில் இட ஒதுக்கீட்டை ஒழிக்க பாஜக முற்படுவதாகவும் அவர் குற்றஞ்சாட்டியுள்ளார்.
பாஜக மீண்டும் மத்தியில் ஆட்சிக்கு வந்தால் அது நடக்கும்” என அவர் தெரிவித்தார்.
மேலும், தெலங்கானா மாநில முன்னாள் முதல்வரும், பிஆர்எஸ் கட்சியின் தலைவருமான கே.சந்திரசேகரவையும் தெலங்கானா முதல்வர் ரேவந்த் ரெட்டி கடுமையாக விமர்சித்துள்ளார்.
தெலங்கானா மாநில முன்னாள் முதல்வர் கே.சந்திரசேகர, பழைய கதைகளை கூறி அனுதாபம் பெற முயற்சிப்பதாகவும், ஆனால், தெலங்கானா மக்கள் அவரை நம்ப மாட்டார்கள் எனவும் அவர் தெரிவித்துள்ளார்.
பத்து ஆண்டு காலம் தன்னை சந்திக்க வரும் மக்களை பார்க்காமல் கதவடைத்து வைத்திருந்த முன்னாள் முதல்வர் கே.சந்திரசேகர, வாக்குக்காக தற்போது பேருந்து யாத்திரை தொடங்கியுள்ளதாக குறிப்பிட்டுள்ளார்.
