டெல்லியின் புதிய முதலமைச்சராக அதிஷி தெரிவு செய்யப்பட்டுள்ளார். இதன் மூலம் டெல்லியின் 3வது பெண் முதலமைச்சர் என்ற பெருமையை அதிஷி பெற்றுள்ளார்.
இதற்கு முன்பாக பா.ஜ.கவை சேர்ந்த சுஷ்மா சுவராஜ்,1998ம் ஆண்டு டெல்லி முதலமைச்சராகச் செயற்பட்டுள்ளார். அதேபோல், காங்கிரசை சேர்ந்த ஷீலா தீக்சித் 1998ம் ஆண்டு முதல் 2013ம் ஆண்டு வரை 15 ஆண்டுகள் டெல்லி முதலமைச்சராக செயற்பட்டுள்ளார்.
அந்தவகையில் சுஷ்மா சுவராஜ், ஷீலா தீக்சித்தைத் தொடர்ந்து டெல்லியின் 3வது பெண் முதலமைச்சராக ஆம் ஆத்மியை சேர்ந்த அதிஷி தெரிவுசெய்யப்பட்டுள்ளார்.
மதுபான கொள்கை வழக்கில் சிறையில் இருந்த கெஜ்ரிவாலுக்குச் சமீபத்தில் பிணை வழங்கப்பட்டது. இதையடுத்து அவர் தனது முதலமைச்சர் பதவியை இராஜினாமா செய்யவுள்ளார். இதன் காரணமாக அடுத்த டெல்லி முதலமைச்சர் யார் என்பதில் சஸ்பென்ஸ் இருந்த நிலையில், டெல்லியின் புதிய முதலமைச்சராக அதிஷி தெரிவு செய்யப்பட்டுள்ளார்.
