மொரவெவ மற்றும் திருகோணமலை ஆகிய பிரதேச சபையின் ஐக்கிய தேசிய கட்சி உறுப்பினர்கள் இடைநிறுத்தப்பட்டுள்ளதாக அக்கட்சியின் பொதுச் செயலாளர் பாலித்த ரங்கே பண்ராட தெரிவித்துள்ளார்.
இவ்விடயம் தொடர்பாக பாலித்த ரங்கே பண்ராட தெரிவித்துள்ளதாவது, “குறித்த இருவரும் கட்சியின் யாப்பையும் கட்சியின் ஒழுங்கு விதிமுறைகளையும் மீறி செயற்பட்டமை காரணமாக அவர்களுக்கு எதிராக ஒழுக்காற்று நடவடிக்கை மேற்கொள்ளப்பட்டுள்ளது.
ஐக்கிய தேசிய கட்சி உறுப்பினர்களான யாக்கூப் தம்பி ஜெனீர்தீன் மற்றும் ஆர்.எம்.எஸ்.விஜயசிங்க ஆகியோரே இடைநிறுத்தப்பட்டுள்ளனர். அவர்களுக்கு அது தொடர்பிலான கடிதமும் அனுப்பி வைக்கப்பட்டுள்ளது.
மேலும் குறித்த கடிதத்தின் பிரதியொன்றும் தேர்தல் ஆணைக்குழுவிற்கு அனுப்பி வைக்கப்பட்டுள்ளது” என அவர் குறிப்பிட்டுள்ளார்.
