வடக்கில் நுண்கடன் காரணமாக பெண்கள் எதிர்நோக்கும் பிரச்சினைக்கு தீர்வு வழக்கக் கோரி கவனயீர்ப்பு போராட்டமொன்று முன்னெடுக்கப்பட்டுள்ளது.
நேற்று (செவ்வாய்க்கிழமை) தேசிய மீனவ ஒத்துழைப்பு இயக்கத்தின் ஏற்பாட்டில், கிளிநொச்சி- முழங்காவில் பகுதியில் குறித்த கவனயீர்ப்பு போராட்டம் முன்னெடுக்கப்பட்டுள்ளது.
முழங்காவில் சந்தியில் இருந்து முழங்காவில் தேசிய பாடசாலை வரை பேரணியாக சென்ற போராட்டக்காரர்கள் அங்கு கவனயீர்ப்பு போராட்டத்தில் ஈடுபட்டிருந்தனர்.
இதன்போது நுண்கடனுக்கு எதிரான பதாதைகளை ஏந்தி இருந்ததுடன், கோஷங்களை எழுப்பி ஆர்ப்பாட்டத்தில் அவர்கள் ஈடுபட்டிருந்தனர்.
