இந்தியாவில் கடந்த 24 மணிநேரத்தில் 2,40,842 பேருக்கு கொரோனா வைரஸ் தொற்று உறுதி செய்யப்பட்டுள்ளது.
இதற்கமைய இந்தியாவில் கொரோனா வைரஸ் தொற்றாளர்களின் மொத்த எண்ணிக்கை 2,65,30,132 ஆக அதிகரித்துள்ளது.
இந்தியாவில் கொரோனா வைரஸ் தொற்றின் தாக்கம் தொடர்பான தற்போதைய நிலைமைகள் தொடர்பாக மத்திய சுகாதார அமைச்சகம் வெளியிட்டுள்ள ஊடக அறிக்கையிலேயே இவ்விடயம் தெரிவிக்கப்பட்டுள்ளது.
மேலும் இந்த வைரஸ் தொற்றினால் ஒரே நாளில் 3741 பேர் இந்தியாவில் உயிரிழந்துள்ளனர். இதற்கமைய உயிரிழப்புக்களின் மொத்த எண்ணிக்கை 2,99,266 அதிகரித்துள்ளது.
இதற்கிடையில் கொரோனா வைரஸ் தொற்றிலிருந்து இதுவரை 2,34,25,467 பேர் மீண்டுள்ளதுடன் 28,05,399 பேர் வைத்தியசாலையில் தொடர்ந்து சிகிச்சைப் பெற்று வருகின்றமை குறிப்பிடத்தக்கது.
