நாட்டில் தற்சமயம் அமுல்படுத்தப்பட்டுள்ள பயணக் கட்டுப்பாடுகளை எதிர்வரும் 07 ஆம் திகதிக்கு பின்னர் நீடிப்பது குறித்து இதுவரை எந்த முடிவும் எடுக்கப்படவில்லை என இராணுவ தளபதி தெரிவித்துள்ளார்.
கொரோனா நிலைமையினை கருத்திற்கொண்டு சுகாதார அதிகாரிகள் உள்ளிட்டோருடனான கலந்துரையாடலை அடுத்து அது தொடர்பான இறுதி முடிவு எட்டப்படும் என்றும் தெரிவித்தார்.
மேலும், தற்போது அமுலில் உள்ள பயணத்தடை எதிர்வரும் ஜூன் 14ஆம் திகதி வரை நீடிக்கப்படும் என வெளியாகிவரும் செய்தி உண்மைக்கு புறம்பானது என்றும் இராணுவத் தளபதி தெரிவித்தார்.
அவ்வாறானதொரு முடிவு எட்டப்பட்டால் ஊடக சந்திப்பை ஏற்பாடு செய்து அறிவிப்போம் என்றும் இராணுவத் தளபதி குறிப்பிட்டார்.
