மட்டக்களப்பு- கல்லடி பாலத்திற்கு அருகில், விசேட சோதனை நடவடிக்கை பொலிஸாரினால் முன்னெடுக்கப்பட்டது.
குற்ற விசாரணைப் பிரிவுப் பொறுப்பதிகாரி பி.எஸ்.டி.பண்டார தலைமையிலான பொலிஸ் குழுவினர் குறித்த விசேட நடவடிக்கைகளை நேற்று (திங்கட்கிழமை) பிற்பகல் முன்னெடுத்தனர்.
இந்த விசேட நடவடிக்கையின்போது பயணத் தடையினை மீறி மட்டக்களப்பு நகருக்குள் வருகைதந்தோர் திருப்பி அனுப்பப்பட்டனர்.
இவ்வாறு பயணத் தடையினை மீறி செயற்படுவோருக்கு எதிராக சட்ட நடவடிக்கை மேற்கொள்ளப்படுமென பொலிஸார் எச்சரிக்கை விடுத்துள்ளனர்.
குறித்த விசேட சோதனை நடவடிக்கை தொடர்ந்து முன்னெடுக்கப்படும் எனவும் பொலிஸார் குறிப்பிட்டுள்ளனர்.
