நுவரெவலியா- பூண்டுலோயா, டன்சினன் பகுதியை தொடர்ந்து தனிமைப்படுத்தி வைத்துள்ளமையினை கண்டித்து அப்பிரதேச மக்கள் இன்று (செவ்வாய்க்கிழமை) ஆர்ப்பாட்டமொன்றினை முன்னெடுத்திருந்தனர்.
ஒரு மாதத்திற்கு மேலாக எங்களது பிரதேசத்தை தனிமைப்படுத்தி வைத்துள்ளமையினால், பாரிய அசௌகரியங்களுக்கும் பல்வேறு கஸ்டங்களுக்கும் முகம்கொடுத்துள்ளதாக ஆர்ப்பாட்டத்தில் ஈடுபட்டவர்கள் சுட்டிக்காட்டினர்.
மேலும் தனிமைப்படுத்தலுக்கு உட்படுத்தப்பட்ட பகுதியிலுள்ள மக்களுக்கு அரசாங்கத்தினால் வழங்கப்படுகின்ற உதவிகள் கூட எங்களுக்கு இதுவரைக் கிடைக்கவில்லை எனவும் அவர்கள் கவலை வெளியிட்டுள்ளனர்.
இவ்வாறு தொடர்ந்து எமது பகுதியை முடக்கி வைத்திருக்கின்றமையினால் வாழ்வாதாரத்தை நடத்த முடியவில்லை. பொருளாதார நெருக்கடிக்கும் முகம்கொடுத்துள்ளோம் என ஆர்ப்பாட்டத்தில் ஈடுபட்டிருந்த மக்கள் குறிப்பிட்டுள்ளனர்.
ஆகவே எமது பிரதேசத்தை தனிமைப்படுத்தல் பகுதியில் இருந்து உடனடியாக விடுவிக்க நடவடிக்கை மேற்கொள்ளுமாறு, சுகாதாரப் பிரிவு அதிகாரிகளிடம் கோரிக்கையை முன்வைத்து இறுதியில் ஆர்ப்பாட்த்தை மக்கள் கைவிட்டனர்.
