இயக்குநர் ஷங்கரின் இளைய மகள் அதிதி, சூர்யா தயாரித்துள்ள ‘விருமன்’ படத்தில் கார்த்திக்கு ஜோடியாக நடித்துள்ளார்.
முத்தையா இயக்கியுள்ள இந்தப் படம் விரைவில் திரைக்கு வரவுள்ளது.
இந்த நிலையில் தெலுங்கில் வருண் தேஜ் நடிக்கும் ‘கணி’ படத்தில் ஒரு பாடல் பாடியுள்ளார்.
தமன் இசையமைத்துள்ள இந்தப் பாடல் நாளை(செவ்வாய்கிழமை) வெளியாகும் என அறிவிக்கப்பட்டுள்ளது.
இயக்குநர் ஷங்கர் தனது ‘பாய்ஸ்’ படத்தில் இசையமைப்பாளர் தமனை நடிகராக அறிமுகப்படுத்தினார் என்பதும், ஷங்கர் தயாரித்த ‘ஈரம்’ படத்தில்தான் தமன் தமிழில் இசையமைப்பாளராக அறிமுகமானார் என்பதும் குறிப்பிடத்தக்கது.
தற்போது இயக்குநர் ஷங்கரின் மகளை தமன் பாடகராக அறிமுகப்படுத்தவுள்ளார்.
மருத்துவம் படித்துள்ள அதிதி, சில மாதங்களுக்கு முன் பட்டம் பெற்றார்.
அப்போது தனது பெற்றோருடன் எடுத்துக்கொண்ட புகைப்படங்களை அவர் பகிர அது வைரலானது.
