கொட்டகலை, திம்புளை – பத்தனை பொலிஸ் பிரிவிற்குட்பட்ட மவுண்ட்வேர்ணன் தோட்டத்தின் வட்டக்கான் பிரிவிலுள்ள வீடொன்றுக்குள் சிக்கிய சிறுத்தை, பாதுகாப்பாக மீட்கப்பட்டுள்ளதாக அதிகாரிகள் தெரிவித்துள்ளனர்.
ரந்தெனிகல மிருக வைத்தியசாலையின் அதிகாரிகள் குழுவொன்றும், நுவரெலியா வன ஜீவராசிகள் திணைக்கள அதிகாரிகளும் இணைந்து சுமார் 5 மணிநேரம் முன்னெடுத்த கூட்டு நடவடிக்கையின் பின்னர் குறித்த சிறுத்தை, பாதுகாப்பாக மீட்கப்பட்டது.
சுமார் 4 அடி நீளமான, ஒரு வயதான இந்த ஆண் சிறுத்தை நாயொன்றை வேட்டையாட வந்தவேளை, வீட்டின் பின்பகுதியில் உள்ள அறைக்குள் விழுந்து அதற்குள் சிக்கிக்கொண்டதாக அதிகாரிகள் தெரிவித்தனர்.
மீட்கப்பட்டுள்ள சிறுத்தை, தற்போது ரந்தெனிகல மிருக வைத்தியசாலைக்கு கொண்டு செல்லப்பட்டுள்ளது
உடல் நிலை பரிசோதிக்கப்பட்ட பின்னர், குறித்த சிறுத்தை பாதுகாப்பான வனப்பகுதியில் விடுவிக்கப்படும் என அதிகாரிகள் மேலும் தெரிவித்தனர்.
