நாட்டுக்கு வருகைத் தரும் வெளிநாட்டு சுற்றுலாப் பயணிகளுக்கு அந்த நாடுகளின் நாணயங்களில் இணையத்தில் நுழைவுச்சீட்டுகளை வழங்குவதற்கான வாய்ப்பை வழங்க வனஜீவராசிகள் அமைச்சு தயாராகி வருகிறது.
குறிப்பாக தேசிய உயிரியல் பூங்காக்கள், தேசிய மிருக காட்சிசாலை மற்றும் காடுகளுக்கு வருகை தரும் வெளிநாட்டு சுற்றுலாப் பயணிகளுக்கே இந்த வாய்ப்பை வழங்க அமைச்சு தீர்மானித்துள்ளது.
மேலும் உள்நாட்டு சுற்றுலாப் பயணிகளுக்கான நுழைவுச்சீட்டுகளையும் இணையத்தில் வழங்குவதற்கு முறைப்படுத்தவும் திட்டமிடப்பட்டுள்ளதாக அந்த அமைச்சு குறிப்பிட்டுள்ளது.
இது தொடர்பான கலந்துரையாடல்கள் தற்போது நடைபெற்று வருகின்றன என்பதோடு, நாட்டின் வருமானத்தை அதிகரிப்தே இதன் பிரதான நோக்கமாகும் என்றும் குறித்த நடவடிக்கைகள் எதிர்வரும் இரு மாதங்களில் நிறைவு பெறவுள்ளதாகவும் வனஜீவராசிகள் அமைச்சு தெரிவித்துள்ளது.
