பாலியல் குற்றச்சாட்டு தொடர்பில் கைது செய்யப்பட்டுள்ள இலங்கை கிரிக்கெட் அணி வீரர் தனுஷ்க குணதிலக்கவிற்கு, இன்றும் (திங்கட்கிழமை) பிணை மறுக்கப்பட்டுள்ளது.
நேற்று அவுஸ்ரேலிய நீதிமன்றத்தில் முன்னிலைப்படுத்தப்பட்ட தனுஷ்க குணதிலக்கவிற்கு, பிணை மறுக்கப்பட்டிருந்த நிலையில், இன்றும் நிதிமன்றத்தில் முன்னிலை படுத்தப்பட்ட போது, அவருக்கு பிணை மறுக்கப்பட்டது.
கடந்த வாரம் சிட்னியின் கிழக்கில் நடந்ததாகக் கூறப்படும் சம்பவம் தொடர்பாக கைது செய்யப்பட்ட 31 வயதான தனுஷ்க குணதிலக்க மீதான கடுமையான குற்றச்சாட்டுகள், இது இறுதி செய்யப்படுவதற்கு ஒரு வருடம் அல்லது அதற்கு மேல் ஆகலாம் என நம்பப்படுகின்றது.
குணதிலக்கவின் வழக்கறிஞர் ஆனந்த அமரநாத், அவுஸ்ரேலியாவை விட்டு குணதிலக்க வெளியேறுவதற்கான எந்த கோரிக்கையும் நிராகரிக்கப்படுவது குறித்து மிகவும் கவலைப்படுவதாக கூறினார்.
ரோஸ் பேயில் உள்ள ஒரு வீட்டில் 29 வயது பெண் ஒருவர் பாலியல் வன்கொடுமைக்கு ஆளானதாக வந்த புகாரைத் தொடர்ந்து, மாநில குற்றப்பிரிவின் பாலியல் குற்றப்பிரிவு மற்றும் கிழக்கு புறநகர் பொலிஸ் ஏரியா கமாண்ட் ஆகியவற்றின் துப்பறியும் நபர்கள் கூட்டு விசாரணையை தொடங்கினர்.
நவம்பர் 2ஆம் திகதி இடம்பெற்றதாகக் கூறப்படும் சம்பவத்தைத் தொடர்ந்து தனுஷ்க குணதிலக்க மீது அனுமதியின்றி உடலுறவு கொண்டதாக நான்கு குற்றச்சாட்டுகள் சுமத்தப்பட்டுள்ளன.
ஆன்லைன் டேட்டிங் செயலி மூலம் அந்த பெண், குணதிலகாவுடன் பல நாட்களாக செய்திகளை பரிமாறிக்கொண்டதாக பொலிஸார் தெரிவிக்கின்றனர்.
இந்த ஜோடி புதன்கிழமை சந்தித்தது மற்றும் தொழில்முறை கிரிக்கெட் வீரர் அவரை பாலியல் வன்கொடுமை செய்ததாக பொலிஸ் குற்றச்சாட்டுகள் தெரிவிக்கின்றன.
பாலியல் துஷ்பிரயோகத்திற்கு உட்படுத்த முயற்சித்தமை உள்ளிட்ட 4 குற்றச்சாட்டுக்களின் கீழ், யுவதியொருவரினால் முன்வைக்கப்பட்ட முறைப்பாட்டை அடிப்படையாகக் கொண்டு இலங்கை கிரிக்கெட் அணி வீரர் தனுஷ்க குணதிலக்க, நேற்று அதிகாலை 1 மணியளவில் சசெக்ஸ் ஸ்ட்ரீட் ஹோட்டலில் கைது செய்யப்பட்டிருந்தார்.
அவுஸ்ரேலியாவில் நடைபெற்று வரும் இருபதுக்கு இருபது உலகக் கிண்ணத் தொடருக்காக, இலங்கை அணியுடன் தனுஷ்க குணதிலக்க பயணித்தபோதும் அவர் காயம் காரணமாக தொடரில் இருந்து வெளியேறினார்.
குணதிலக்க மீது இவ்வாறு நன்நடத்தை விதிமீறல் நடப்பது இது முதல்முறையல்ல என்பது குறிப்பிடத்தக்கது.
