அஜித் நடித்த சூப்பர்ஹிட் படத்தை ரீமேக் செய்ய விரும்புவதாக ரசிகர் ஒருவர் கேட்ட கேள்விக்கு இயக்குனர் லோகேஷ் கனகராஜ் பதிலளித்துள்ளார்.
லோகேஷ் கனகராஜ் இயக்கத்தில் உருவான ‘மாநகரம்’, ‘கைதி’, ‘மாஸ்டர்’ மற்றும் விக்ரம் ஆகிய 4 படங்களுமே சூப்பர் ஹிட்டாகி உள்ளது என்பதும் இதுவரை அவர் ஒரு தோல்வி படத்தை இயக்கவில்லை என்பதும் குறிப்பிடத்தக்கது.
இந்த நிலையில் லோகேஷ் கனகராஜ் இயக்க இருக்கும் ’தளபதி 67’ படத்தின் அறிவிப்பு வெளியாகும் முன்னரே அந்த படத்திற்கு மிகப்பெரிய எதிர்பார்ப்பு ஏற்பட்டு உள்ளது என்பதும் அந்த படத்தின் பிசினஸ் கூட ஆரம்பித்து விட்டதாக கூறப்படுகிறது.
இந்த நிலையில் சமீபத்தில் ரசிகர்களை சந்தித்த லோகேஷ் கனகராஜ் பல்வேறு கேள்விகளுக்கு சுவாரஸ்யமான பதிலளித்தார். அப்போது ஒரு ரசிகர் அஜித்தின் எந்த படத்தை ரீமேக் செய்ய உங்களுக்கு விருப்பம் என கேட்டிருந்தார்.
அஜீத்தின் சூப்பர் ஹிட் படமான ’தீனா’ படத்தை ரீமேக் செய்ய தனக்கு விருப்பம் என்று கூறியுள்ளார். கடந்த 2001 ஆம் ஆண்டு ஏஆர் முருகதாஸ் இயக்கத்தில் அஜித் நடித்த ’தீனா’ திரைப்படம் மிகப் பெரிய ஹிட்டானது என்பது குறிப்பிடத்தக்கது.
லோகேஷ் கனகராஜ் கூறிய இந்த பதிலை அடுத்து விரைவில் அஜீத் மற்றும் லோகேஷ் கனகராஜ் ஒரு படத்தில் இணைவார்கள் என அஜித் ரசிகர்கள் நம்பிக்கையுடன் காத்திருக்கின்றனர். அந்த படம் ஒரு வேளை ’தீனா’ ரீமேக் ஆக இருக்குமா? என்பதை பொறுத்திருந்து பார்ப்போம்.
