தாய்லாந்து இளவரசி இதய நோயால் பாதிப்பு: அரண்மனை தகவல்!

தாய்லாந்து மன்னரின் மூத்த மகள் இதய நோயால், சரிந்து விழுந்ததாக தாய்லாந்து அரச அரண்மனை தெரிவித்துள்ளது.

மன்னன் வஜிரலோங்கோர்னின் மூத்த மகளான இளவரசி பஜ்ரகித்தியபா, நேற்று முன் தினம் (புதன்கிழமை) மாலை பாங்காக்கின் வடகிழக்கில் தனது நாய்களுக்கு பயிற்சி அளிக்கும் போது சரிந்து விழுந்ததாக அரண்மனை குறிப்பிட்டுள்ளது.

44 வயதான அவர் அருகிலுள்ள மருத்துவமனைக்கு கொண்டு செல்லப்பட்டார், பின்னர் ஹெலிகொப்டர் மூலம் பாங்காக்கிற்கு அழைத்துச் செல்லப்பட்டார், அங்கு அவர் சிகிச்சை பெற்று வருகிறார்.

அரண்மனை நேற்றிரவு அவரது உடல்நிலையை ஒரு குறிப்பிட்ட அளவிற்கு நிலையானது என்று விபரித்தது.
தாய்லாந்தில் உள்ள அரச அரண்மனையின் மருத்துவ புல்லட்டின்கள் பொதுவாக தெளிவற்றதாகவும், ரகசியமாகவும் இருக்கும், மேலும் இளவரசி பஜ்ரகித்தியபாவைப் பற்றி வெளியிடப்பட்ட ஒற்றை அறிக்கையிலிருந்து, அவரது உடல்நிலை எவ்வளவு மோசமாக உள்ளது என்பதைக் கணக்கிடுவது கடினம் என்று கூறப்படுகின்றது.

தற்போது அவரது உடல்நிலை குறித்து அறிக்கை எதுவும் கூறவில்லை. சில அறிக்கைகள் கூறியதை விட இது மிகவும் தீவிரமானது என்று பரிந்துரைத்துள்ளது.

இளவரசி ராஜாவின் முதல் மனைவி இளவரசி சோம்சவலியின் மகள் மற்றும் அவரது மூத்த குழந்தை. அவர், 2016இல் மன்னர் பூமிபோல் பதவிக்கு வந்ததிலிருந்து அவரது தந்தையின் நெருங்கிய வட்டத்தின் ஒரு பகுதியாக இருந்து வருகிறார், மேலும் மன்னரின் தனிப்பட்ட காவலில் மூத்த அதிகாரியாக நியமிக்கப்பட்டார்.

இரண்டு அமெரிக்கப் பல்கலைக்கழகங்களில் சட்டத்தில் முதுகலைப் பட்டம் பெற்ற அவர், உள் அரச வட்டத்தில் மிகவும் சிறப்பாகச் சாதித்தவர்.

மன்னர் வஜிரலோங்கோர்ன் இன்னும் அரியணைக்கு ஒரு வாரிசை நியமிக்கவில்லை, ஆனால் இளவரசி பஜ்ரகித்தியபா மிகவும் பொருத்தமான வாரிசாக பரவலாக பார்க்கப்படுகிறார்.

முறையான பட்டங்களைக் கொண்ட மன்னரின் மூன்று குழந்தைகளில் ஒருவரான அவர், 1924 அரண்மனை வாரிசுச் சட்டத்தின் கீழ் அரியணைக்கு தகுதியானவர்.

அவர் உடற்தகுதி ஆர்வலர் மற்றும் தாய்லாந்தில் தண்டனை சீர்திருத்தத்தை ஆதரிப்பதில் நீண்ட சாதனை படைத்துள்ளார். மேலும், அவர் 2012 முதல் 2014ஆம் ஆண்டு வரை ஆஸ்திரியாவில் தாய்லாந்து தூதராக இருந்தார்.