பாகிஸ்தான் கிரிக்கெட் அணிக்கெதிரான டெஸ்ட் தொடரில், விளையாடும் நியூஸிலாந்துக் கிரிக்கெட் அணி விபரம் அறிவிக்கப்பட்டுள்ளது.
டிம் சவுத்தீ தலைமையிலான அணியில், சுழற்பந்து வீச்சாளரான இஷ் சோதி, நவம்பவர் 2018ஆம் ஆண்டுக்கு பிறகு டெஸ்ட் அணியில் இணைத்துக்கொள்ளப்பட்டுள்ளார்.
அத்துடன் மட்டுப்படுத்தப் போட்டிகளில் சிறப்பாக விளையாடிவரும் க்ளென் பிலிப்சும், 2020ஆம் ஆண்டுக்கு பிறகு அணியில் சேர்த்துக்கொள்ளப்பட்டுள்ளார்.
வேகப்பந்து வீச்சாளரான கைல் ஜேமிசன் முதுகில் ஏற்பட்ட காயத்தில் இருந்து மீண்டு வருவதால் இந்த தொடரில் பங்கேற்கவில்லை. அதேபோல, இந்த சுற்றுப்பயணத்தில் ட்ரென்ட் போல்ட் பங்கேற்கவில்லை.
எதிர்வரும் 2003ஆம் ஆண்டுக்கு பின்னர் நியூஸிலாந்தின் இந்த பாகிஸ்தான் சுற்றுப்பயணம் அமையவுள்ளது.
டிம் சவுத்தீ தலைமையிலான அணியில், மைக்கேல் பிரேஸ்வெல், டொம் ப்ளூன்டெல், டெவன் கோன்வே, மெட் ஹென்றி, டொம் லாதம், டேரில் மிட்செல், ஹென்றி நிக்கோல்ஸ், அஜாஸ் படேல், க்ளென் பிலிப்ஸ், இஷ் சோதி, பிளேயர் டிக்னர், நீல் வாக்னர், கேன் வில்லியம்சன், வில் யங் ஆகியோர் இடம்பெற்றுள்ளனர்.
பாகிஸ்தானுக்கு கிரிக்கெட் சுற்றுப்பயணம் மேற்கொள்ளும் நியூஸிலாந்து அணி, இரண்டு போட்டிகள் கொண்ட டெஸ்ட் தொடர் மற்றும் மூன்று போட்டிகள் கொண்ட ஒருநாள் தொடரில் விளையாடுகின்றது.
இதில் முதலாவதாக நடைபெறும் டெஸ்ட் தொடரின் முதல் போட்டி, எதிர்வரும் 26ஆம் திகதி கராச்சியில் ஆரம்பமாகின்றது.
