சட்டவிரோதமாக ஆக்கிரமிக்கப்பட்ட கில்கிட் பால்டிஸ்தானில் பொதுப்பணித்துறையின் துணைப் பொறியாளர்கள் அதிருப்பதியடைந்துள்ளனர்.
அரசாங்கத்தின் பாரபட்சத்தினை எதிர்த்துள்ள அவர்கள் பாகிஸ்தானின் பிற பகுதிகளில் தமது பதவிகளில் இருப்பவர்கள் பதவி உயர்வு மற்றும் சலுகைகளைப் பெறும்போது, தாம்; பல ஆண்டுகளாக தேக்கநிலையில் உள்ளதாக கவலை வெளியிட்டுள்ளனர்.
இந்நிலையில் தங்களின் கோரிக்கைகளை விரைந்து நிறைவேற்ற வேண்டும், இல்லையெனில் வெளிநடப்பு செய்யப்போவதாக துணை பொறியாளர்கள் அதிகாரிகளுக்கு எச்சரிக்கை விடுத்தனர்.
பாகிஸ்தானின் பிற மாகாணங்களில் பொறியாளர்கள் ஏற்கனவே உயர்ந்த தரம் 14 இல் பணியமர்த்தப்பட்ட நிலையில், தங்களுக்கு பல ஆண்டுகளாக பதவி உயர்வு கிடைக்கவில்லை என்றும் அவர்கள் சுட்டிக்காட்டியுள்ளார்கள்.
கில்கிட்-பால்டிஸ்தானின் பணித் துறையின் உதவி நிர்வாகப் பொறியாளர் ரியாஸ் அஹ்மத் கூறுகையில், ‘எங்களுக்கு பல குறைகள் உள்ளன. நாங்கள் தினமும் கொடுமைகளை எதிர்கொள்கிறோம். சுமார் எட்டு ஆண்டுகளுக்கு முன்பு இந்த முப்பத்து மூன்று சதவீத ஒதுக்கீடு எங்களுக்கு கிடைத்தது.
ஆனால் முழு பாகிஸ்தானிலும் துணை பொறியிலாளர் ஆரம்ப தரம் பதினான்காக காணப்படுகின்றபோதம் கில்கிட்-பால்டிஸ்தானில் அது பதினொன்றாகவே உள்ளது, அது ஒருபோதும் மாற்றப்படவில்லை. இப்போது எங்கள் ஆரம்ப தரத்தை பதினான்காக மாற்றுமாறு அரசை கேட்டுக்கொள்கிறோம்.
பிராந்தியத்தின் பணித் துறைகளில் முதன்மையாக நியமிக்கப்பட்டுள்ள துணைப் பொறியாளர்கள் ஓரங்கட்டப்பட்டுள்ளனர் மற்றும் அதிகாரிகள் அவர்களை பாகிஸ்தானின் பிற மாகாணங்களின் ஊழியர்களுக்கு இணையாக நடத்தவில்லை.
ஊழியர்களுக்கு வழங்கப்படும் தொழில்நுட்ப கொடுப்பனவுகளிலும் இதையே காணலாம். அங்கு பணிபுரிபவர்கள் கூறுகையில், தொழில்நுட்ப பணி செய்யும் அனைவருக்கும் தொழில்நுட்ப முற்கொடுப்பனவு வழங்க வேண்டும். ஊழல் பரவலாக உள்ளது மற்றும் நேர்மையற்ற தலைவர்கள் நிலைமையை மாற்றுவதில் சிறிதும் கவலைப்படவில்லை’ என்றும் அவர் கூறினார்.
கில்கிட் பால்டிஸ்தானில் உள்ள மக்கள் 1947 முதல் பாகிஸ்தானின் சட்டவிரோத ஆட்சியின் கீழ் உள்ளனர். இருப்பினும், அவர்கள் இரண்டாம் தர சமூக-பொருளாதார குடிமக்களாகத் தள்ளப்பட்டுள்ளனர் என்பதே உண்மை.
