பிரித்தானியாவில் Dartford கரப்பந்தாட்டக் கழகத்தினால் ஆண்டுதோறும் நடாத்தப்படும் கரப்பந்தாட்ட OverGame சுற்றுப்போட்டி இவ்வருடம் 14ஆவது ஆண்டாக Southall இல் உள்ள Domers wells leisure centre, Southall, UB1 3JB என்னும் இடத்திலுள்ள இருகோட்டு உள்ளரங்க மைதானத்தில் நேற்று(ஞாயிற்றுக்கிழமை) இனிதே நிறைவுபெற்றது.
இந்த சுற்றுப்போட்டியில் பிரித்தானியாவில் உள்ள 28 கழகங்கள் பங்கேற்றிருந்தன.
5 பேர் கொண்ட போட்டியும் 4 பேர் கொண்ட போட்டியும் தனித்தனியாக நடைபெற்றன.
சிறப்பாக விளையாடி வெற்றியை தமதாக்கிய கழகங்கள் மற்றும் ஆட்ட நாயகர்கள், ஆட்ட தொடர்நாயகர்கள் என்பன தெரிவு செய்யப்பட்டு, பரிசில்களும் பணப்பரிசில்களும் வழங்கி கௌரவிக்கப்பட்டது.
5 பேர் கொண்ட கரப்பந்தாட்ட போட்டியில் முதலாம் இடத்தை மில்லர் கழகமும், இரண்டாம் இடத்தை சுபன் (சிகப்பு) கழகமும், மூன்றாம் இடத்தை சுகந்தன் கழகமும் பெற்றுக்கொண்டன.
5 பேர் கொண்ட கரப்பந்தாட்ட போட்டியின் போட்டி நாயகனாக மில்லர் கழகத்தை சேர்ந்த செல்வனும், 5 பேர் கொண்ட கரப்பந்தாட்ட போட்டியின் தொடர்நாயகனாக சுகந்தன் கழகத்தை சேர்ந்த சயந்தனும் தெரிவு செய்யப்பட்டனர்.
4 பேர் கொண்ட கரப்பந்தாட்ட போட்டியில் முதலாம் இடத்தை சுபன் (சிகப்பு) கழகமும், இரண்டாம் இடத்தை Dartford (A) கழகமும், மூன்றாம் இடத்தை கிங்ஸ்பெரி கழகமும் பெற்றுக் கொண்டன.
4 பேர் கொண்ட கரப்பந்தாட்ட போட்டியின் நாயகனாக சுபன்(சிவப்பு) கழகத்தை சேர்ந்த ரூபனும், 4 பேர் கொண்ட கரப்பந்தாட்ட போட்டியின் தொடர்நாயகனாக டார்ட்போர்ட் கழகத்தை சேர்ந்த சஞ்சய்யும் தெரிவு செய்யப்பட்டனர்.
