அயர்லாந்து – இலங்கை அணிகள் மோதும் முதலாவது டெஸ்ட் இன்று

அயர்லாந்து அணிக்கும் இலங்கை அணிக்கும் இடையிலான இரண்டு போட்டிகள் கொண்ட டெஸ்ட் தொடரின் முதலாவது டெஸ்ட் போட்டி இன்று காலி சர்வதேச மைதானத்தில் ஆரம்பமாகவுள்ளது.

இலங்கை நேரப்படி இன்று காலை 10.00 மணியளவில் ஆரம்பமாகும் போட்டியில் ஆரம்ப துடுப்பாட்ட வீரராக நிஷான் மதுஷ்கவும் விக்கெட் காப்பாளராக சதீர சமரவிக்ரமவும் களமிறங்கவுள்ளனர்.

இந்தப் போட்டியையும் 24ஆம் திகதி தொடங்கும் இரண்டாவது போட்டியையும் ரசிகர்கள் இலவசமாகப் பார்க்கலாம் என அறிவிக்கப்பட்டுள்ளது.

காலி மைதானத்தின் 4ஆம் இலக்க வாயிலில் ஊடாக ரசிகர்கள் மைதானத்திற்குள் நுழைய முடியும் என கிரிக்கெட் சபை தெரிவித்துள்ளது.