தென் அமெரிக்க நாடான கொலம்பியாவின் அபியாய் பகுதியில் பயிற்சியின்போது இரண்டு விமானங்கள் மோதி விபத்துக்குள்ளானதில் விமானி ஒருவர் உயிரிழந்துள்ளார்.
இராணுவ வீரர்கள் வழக்கமான பயிற்சியில் ஈடுபட்ட போது இரு விமானங்கள் விமானியின் கட்டுப்பாட்டை இழந்து நேருக்கு நேர் மோதி விபத்துக்குள்ளாகின.
இதற்கிடையே இரு விமானங்களும் மோதி கீழே விழுந்த வீடியோ அங்குள்ள சமூகவலைதளங்களில் வைரலாக பரவியதையடுத்து விபத்துக்கான காரணம் குறித்து அதிகாரிகள் விசாரணை நடத்தியுள்ளனர்.
இந்நிலையில் பயிற்சியின் போது இரண்டாவது விமானத்தில் பயணித்த விமானி பலத்த காயங்களுடன் அருகிலுள்ள வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளது.
