லங்கா பிரீமியர் லீக் ரி-20 தொடரின் இரண்டாவது லீக் போட்டியில், கொழும்பு ஸ்ட்ரைக்கஸ் அணி, பி-லவ் கண்டி அணிக்கு 158 ஓட்டங்களை வெற்றி இலக்காக நிர்ணயித்துள்ளது.
கொழும்பு ஆர்.பிரேமதாஸ மைதானத்தில் நடைபெற்றுவரும் இப்போட்டியில், நாணய சுழற்சியில் வெற்றிபெற்ற கொழும்பு ஸ்ட்ரைக்கஸ் அணி துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய கொழும்பு ஸ்ட்ரைக்கஸ் அணி, நிர்ணயிக்கப்பட்ட 20 ஓவர்கள் நிறைவில் 6 விக்கெட்டுகள் இழப்புக்கு 157 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக பாபர் அசாம் 59 ஓட்டங்களையும் நுவனிந்து பெனார்டோ 42 ஓட்டங்களையும் பெற்றுக்கொண்டனர்.
பி-லவ் கண்டி அணியின் பந்து வீச்சில இசுரு உதான 3 விக்கெட்டுகளையும் தஹானி மற்றும் மொஹமட் ஹஸ்னெய்ன் ஆகியோர் தலா 1 விக்கெட்டினையும் வீழ்த்தினர்.
இன்னமும் சில நிமிடங்களில் 158 ஓட்டங்கள் என்ற வெற்றி இலக்கை நோக்கி பி-லவ் கண்டி அணி துடுப்பெடுத்தாட களமிறங்கவுள்ளது.
