லங்கா பிரீமியர் லீக் ரி-20 தொடரின் 8ஆவது லீக் போட்டியில், தம்புள்ளை அவுரா அணிக்கு கொழும்பு ஸ்ட்ரைக்கர்ஸ் அணி, 193 ஓட்டங்களை வெற்றி இலக்காக நிர்ணயித்துள்ளது.
கண்டி- பல்லேகல மைதானத்தில் நடைபெற்றுவரும் இப்போட்டியில், கொழும்பு ஸ்ட்ரைக்கர்ஸ் அணியும் தம்புள்ளை அவுரா அணியும் பலப்பரீட்சை நடத்துகின்றன.
இதன்படி முதலில் துடுப்பெடுத்தாடிய தம்புள்ளை அவுரா அணி, நிர்ணயிக்கப்பட்ட 20 ஓவர்கள் நிறைவில் 6 விக்கெட்டுகள் இழப்புக்கு 192 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக குசல் மெண்டிஸ் 87 ஓட்டங்களையும் சதீர சமரவிக்கிரம 59 ஓட்டங்களையும் பெற்றுக்கொண்டனர்.
கொழும்பு ஸ்ட்ரைக்கர்ஸ் அணியின் பந்துவீச்சில், மதீஷ பத்திரன 3 விக்கெட்டுகளையும் நஷிம் ஷா 2 விக்கெட்டுகளையும் சாமிக்க கருணாரத்ன 1 விக்கெட்டினையும் விழ்த்தினர்.
இதனைத்தொடர்ந்து 193 ஓட்டங்கள் என்ற வெற்றி இலக்கை நோக்கி இன்னமும் சற்று நேரத்தில் கொழும்பு ஸ்ட்ரைக்கர்ஸ் துடுப்பெடுத்தாடவுள்ளது.
