இலங்கை அரசாங்கம் இணைய பாதுகாப்பு சட்டமூலத்தை வர்த்தமானியில் வெளியிட முன்னெடுத்துள்ள நடவடிக்கைக்கு பிரபல இணையம் மற்றும் தொழில்நுட்ப நிறுவனங்களை பிரதிநிதித்துவப்படுத்தும் தொழிற்சங்கமான ஆசிய இணைய கூட்டணி கரிசனை வெளியிட்டுள்ளது.
இந்த சட்டத்தை உருவாக்குவதில் சம்பந்தப்பட்ட தரப்பினருடன் ஆலோசனைகளை நடத்ததமை மற்றும் கருத்து சுதந்திரம் மற்றும் நாட்டிற்குள் புதுமை கண்பிடிப்பு போன்ற விடயங்கள் குறித்து கேள்வி எழுவதாக அதன் நிர்வாக பணிப்பாளர் ஜெஃப் பெயின் தெரிவித்துள்ளார்.
இணைய பாதுகாப்பு சட்டமூலமானது கருத்து சுதந்திரத்தை நசுக்கக்கூடியதும், இணையத்தில் தமது எண்ணங்கள், யோசனைகளை சுதந்திரமாக வெளிப்படுத்தும் உரிமைகளை குறைக்கக்கூடிய கொடூரமான அமைப்பாக காணப்படுகின்றது என்றும் சுட்டிக்காட்டியுள்ளார்.
இணைய பாதுகாப்பிற்கு முன்னுரிமை வழங்கும் ஆசிய இணைய கூட்டமைப்பின் உறுப்பு நாடுகள், அவர்கள் பாதுகாப்பு நடவடிக்கைகளிற்கு திறந்த உரையாடல் மூலம் டிஜிட்டல் பொருளாதாரத்தின் சக்தியை பாதுகாப்பதற்கும் இடையில் சமநிலை காணவேண்டும் என வலியுறுத்தியுள்ளனர்.
சர்வதேச சிறந்த நடைமுறைகளுடன் ஒத்துப்போகும் ஒழுங்குமுறைகளை நிறுவுவதற்கு தொழில்துறை பங்குதாரர்களுடன் இணைந்து செயற்பட வேண்டும் என்றும் ஆசிய இணைய கூட்டணி இலங்கை அரசாங்கத்திடம் வலியுறுத்தியுள்ளது.
