இந்திய நாடாளுமன்ற தேர்தலில், திரிணாமுல் காங்கிரஸ் கட்சி சார்பில் போட்டியிட்ட முன்னாள் கிரிக்கெட் வீரர் யூசுப் பதான் வாக்கு எண்ணிக்கையில் முன்னிலையில் உள்ளார்.
நாடாளுமன்ற தேர்தலில் திரிணாமுல் காங்கிரஸ் கட்சி சார்பில் மேற்கு வங்காளத்தின் பராம்பூர் தொகுதியில் யூசுப் பதான் போட்டியிட்டார்.
அதன்படி, இன்று நாடாளுமன்ற தேர்தலில் பதிவான வாக்குகள் எண்ணப்பட்டு வருகின்ற நிலையில், தற்போதைய நிலவரப்படி பராம்பூர் தொகுதியில் யூசுப் பதான் அதிக வாக்குகள் பெற்று முன்னிலையில் உள்ளார்.
அவருக்கு அடுத்த இடத்தில் இந்திய தேசிய காங்கிரஸ் கட்சியின் வேட்பாளரான ஆதிர் ரஞ்சன் சவுத்ரி உள்ளார்.
2021 ஆண்டு பெப்ரவரி மாதம் அனைத்து வகையான கிரிக்கெட் போட்டிகளிலிருந்து ஓய்வு பெற்ற யூசுப் பதான், அதன் பின்னர் அரசியலில் ஈடுபட்டு வருகின்றமை குறிப்பிடத்தக்கது.
