முன்னாள் அமைச்சர் ரிஷாத் பதியுதீன் பயணித்த கார் புத்தளம், கருவலகஸ்வெவ பிரதேசத்தில் விபத்துக்குள்ளாகியுள்ளது.
நாடாளுமன்ற உறுப்பினர் ரிஷாட் பதியூதீன் தனது மெய்ப்பாதுகாவலர்களுடன் மன்னாரிலிருந்து புத்தளம் நோக்கிச் சென்று கொண்டிருந்த போது கருவலகஸ்வெவ எரிபொருள் நிரப்பு நிலையம் முன்பாக இன்று நண்பகல் இந்த விபத்து இடம்பெற்றுள்ளது
குறித்த வீதியூடாக திடீரென மோட்டார் சைக்கிள் ஒன்று பிரவேசித்துள்ள போது வேகக்கட்டுப்பாட்டை இழந்ததில் முன்னாள் அமைச்சர் பயணித்த கார் இவ்வாறு விபத்துக்குள்ளாகியுள்ளது
விபத்தில் கார் சிறியளவில் சேதமடைந்துள்ளதாக தெரியவந்துள்ளது. எனினும் விபத்து காரணமாக முன்னாள் அமைச்சர் ரிஷாட் பதியுதீன் அல்லது அவருடன் வாகனத்தில் பயணித்த ஏனைய எவருக்கும் பாதிப்பு ஏற்படவில்லை என பொலிஸார் தெரிவித்துள்ளனர்
இதேவேளை மோட்டார் சைக்கிளில் பயணம் மேற்கொண்டவர் சிறுகாயங்களுக்குள்ளாகியுள்ளதுடன் சிகிச்சைகளுக்காக புத்தளம் வைத்தியசாலையில் அனுமதிக்கப்பட்டுள்ளார்
சம்பவம் தொடர்பாக கருவலகஸ்வெவ பொலிஸார் மேலதிக விசாரணைகளை முன்னெடுத்துள்ளனர்
