கிழக்கு ஆப்பிரிக்கா – கென்யாவின் நெய்ரி நகரில் ஹில்சைட் எண்டர்சா என்ற பாடசாலையின் மாணவர் விடுதியில் ஏற்பட்ட தீ விபத்தில் சிக்குண்டு 17 மாணவர்கள் உயிரிழந்துள்ளனர்.
பல மாணவர்கள் கல்வி கற்று வரும் குறித்த பாடசாலையில் , மாணவர்கள் தங்கியிருக்க பிரத்தியேகமாக காணப்படுகின்ற விடுதியிலேயே இந்த தீ விபத்து ஏற்ப்பட்டுள்ளது.
இந்த கோர விபத்தில் 17 மாணவர்கள் தீயில் உடல் கருகி உயிரிழந்துள்ளனர் என்பதோடு, மேலும், 13 மாணவர்கள் பலத்த தீக்காயத்திற்குள்ளாகி சிகிச்சை பெற்று வருகின்றனர்.
தகவலறிந்து விரைந்த பொலிஸார் மற்றும் தீயணைப்புத்துறையினர் பாடசாலை விடுதியில் தீயை அணைத்து காயமடைந்த மாணவர்களை மீட்டிருந்தனர.
இந்நிலையில், தீ விபத்துக்கான காரணம் குறித்து பொலிஸார் மேலதிக விசாரணைகளை நடத்தி வருகின்றதாக அந்நாட்டு ஊடகங்கள் செய்தி வெளியிட்டுள்ளன.
