தம்புள்ளை பொருளாதார மத்திய நிலையத்தில் மரக்கறிகளின் மொத்த விலைகள் வேகமாக வீழ்ச்சியடைந்துள்ளதாக வர்த்தகர்கள் தெரிவிக்கின்றனர்.
இந்நாட்களில் அதிகளவு மரக்கறிகள் கையிருப்பு பெறப்பட்டாலும் அவற்றை கொள்வனவு செய்வதற்கு வெளிநாட்டு வர்த்தகர்களின் வருகை குறைவடைந்துள்ளமை இந்த நிலைமைக்கு வழிவகுத்துள்ளதாக தெரிவிக்கப்படுகின்றது.
நுகரப்படும் மரக்கறிகளின் அளவு குறைவடைந்தமையே காரணம் என தம்புள்ளை பொருளாதார மத்திய நிலைய வர்த்தகர்கள் தெரிவிக்கின்றனர். காய்கறிகள் விற்பனையாகாமல் நாள்க்கணக்கில் இருப்பதாலும், போக்குவரத்து செலவு மற்றும் இதர செலவுகள் அதிகமாக உள்ளதாலும் மக்களுக்கு குறைந்த விலையில் காய்கறிகளை வழங்க முடியவில்லை என வியாபாரிகள் கூறுகின்றனர்.
எவ்வாறாயினும் மலையகப் பகுதிகளில் இருந்து வரும் பச்சை மிளகாய், கத்தரி, தக்காளி, வெள்ளரி மற்றும் கேரட், வெண்டைக்காய், முட்டைக்கோஸ் போன்ற மரக்கறிகள் 50 முதல் 100 ரூபா வரையில் விற்பனை செய்யப்படுவதாக கூறப்படுகிறது.
அதன்படி, ஒரு கிலோ தக்காளி 160 – 200 ரூபாய்க்கும், கத்தரிக்காய் 80 – 100 ரூபாய்க்கும், கேரட் 50 – 70 ரூபாய்க்கும், பீன்ஸ் 150 – 200 ரூபாய்க்கும் விற்கப்படுகிறது.
மேலும், கறி மிளகாய் 240-300 ரூபாய், பச்சை மிளகாய் 250-300 ரூபாய், கெக்கிரி 25 – 30 ரூபாய், வெள்ளரி 25-30 ரூபாய், பூசணிக்காய் 80 ரூபாய். -100 ரூபாய் மற்றும் பச்சைப்பயறு 100 – 120 ரூபாய் வரையிலும், 50 – 70 ரூபாய் வரையிலும், வெண்டைக்காய் 140 – 160 ரூபாய் வரையிலும் விற்கப்படுவதாக கூறப்படுகிறது.
