நெல்சன் திலீப்குமாரின் ஆக்ஷன் த்ரில்லர் திரைப்படமான ஜெயிலர் இரண்டாம் பாகம் தொடர்பான அதிகாரப்பூர்வ அறிவிப்பு சூப்பர் ஸ்டார் ரஜினி காந்தின் பிறந்த தினமான டிசம்பர் 12 ஆம் திகதி அறிவிக்கப்படவுள்ளது.
திரைப்படத்திற்கான ஸ்கிரிப்ட் வேலைகள் முடிவடைந்து நடிகர்கள் தேர்வும் முடிவடைந்து விட்டது.
ஜெயிலர் 2 தொடர்பான அறிவிப்பினை ப்ரோமோவுடன் அறிவிக்க திரைப்படக் குழுவினர் முடிவு செய்துள்ளனர்.
ப்ரோமோவுக்கான படப்பிடிப்பானது எதிர்வரும் டிசம்பர் 05 ஆம் திகதி சென்னையில் நடைபெறவுள்ளது.
கடந்த ஆண்டு ஆகஸ்ட் மாதம் வெளியான ஜெயிலர் திரைப்படமானது மிகப்பெரிய வெற்றிப்படமாகவும், ரஜினிகாந்தின் மறுபிரவேசப் படமாகவும் அமைந்தது.
இது உலகம் முழுவதும் 620 கோடி இந்திய ரூபாவுக்கும் அதிகமான வசூலை ஈட்டியது.
இந்த அபார வெற்றியின் காரணமாக, அதன் தொடர்ச்சிக்கு பாரிய எதிர்பார்ப்புகள் உள்ளன.
முதல் பாகத்தில் மோகன்லால், சிவராஜ்குமார், ஜாக்கி ஷெராப் ஆகியோர் முக்கிய வேடங்களில் நடித்திருந்தமையும் குறிப்பிடத்தக்கது.
