நாட்டில் ஏற்பட்டுள்ள அரிசி பிரச்சினைக்கு தீர்வாக, அரசாங்கம் அரிசி இறக்குமதிக்கு அனுமதித்ததன் பின்னர் இலங்கைக்கு கொண்டு வரப்பட்ட அரிசியில் 3 கொள்கலன்களில் இருந்த 75,000 கிலோகிராம் அரிசி பாவனைக்கு தகுதியற்றது என சுகாதார திணைக்களம் கண்டுபிடித்துள்ளது. .
இதேவேளை, இதுவரை இறக்குமதி செய்யப்பட்டுள்ள 2,400 மெற்றிக் தொன் அரிசியில் 90 வீதமான அரிசிக்கு சுங்க வரிவிலக்கு வழங்கப்பட்டுள்ளதாக சுங்க திணைக்களம் தெரிவித்துள்ளது.
கடந்த 4ம் திகதி முதல் அரிசியை இறக்குமதி செய்ய தனியார் இறக்குமதியாளர்களுக்கு அரசு அனுமதி அளித்தது.
அதன்படி, நேற்றைய நிலவரப்படி, தனியார் துறையினர் சுமார் 2,400 மெட்ரிக் தொன் இறக்குமதி அரிசியை இலங்கைக்கு கொண்டு வந்து, கொழும்பு துறைமுகத்தில் இறக்கியுள்ளனர்.
எதிர்வரும் 20ஆம் திகதி வரை இலங்கைக்கான அரிசியை இறக்குமதி செய்ய அனுமதியுள்ளதாக சுங்கப் பணிப்பாளர் நாயகம் திரு.சிவலி அருக்கொட தெரிவித்துள்ளார்.
இறக்குமதி செய்யப்பட்ட அரிசி கையிருப்புகளில் சுமார் 90% சுங்க வரியில் இருந்து விலக்கு அளிக்கப்பட்டுள்ளதாகவும் அவர் குறிப்பிட்டுள்ளார்.
இந்தியாவில் இருந்து இலங்கைக்கு இறக்குமதி செய்யப்படும் அரிசியின் தரம் சுகாதார அமைச்சின் உணவுக் கட்டுப்பாட்டுப் பிரிவினால் பரிசோதிக்கப்படுகிறது.
இதன்படி, இலங்கைக்கு இறக்குமதி செய்யப்பட்ட அரிசி கையிருப்பு அடங்கிய 03 கொள்கலன்களில் சுமார் 75,000 கிலோகிராம் அரிசி பாவனைக்கு தகுதியற்றது என சோதனைகளில் தெரியவந்துள்ளது.
அந்த 03 கொள்கலன்களில், 02 கொள்கலன்களில் அரிசியில் புழுக்கள் இருந்தமை தெரியவந்துள்ளது.
மற்ற கொள்கலனில் உள்ள அரிசி மட்டைகளில் உற்பத்தி திகதி, காலாவதி திகதி மற்றும் உற்பத்தி நிறுவனத்தின் விவரங்கள் அடங்கிய பழைய லேபிளில் புதிய லேபிள் ஒட்டப்பட்டதால், அந்த கொள்கலனுக்கும் சுகாதார துறை அனுமதி வழங்கவில்லை.
03 கொள்கலன்களில் பொருத்தமற்ற அரிசி இறக்குமதி செய்யும் நிறுவனத்திடம் மீள ஒப்படைக்கப்படும் அல்லது அழிக்கப்படும் எனத் தெரிவிக்கப்படுகிறது.
இதேவேளை, அரசாங்கத்தினால் இறக்குமதி செய்யப்பட்ட முதலாவது 5,200 மெற்றிக் தொன் அரிசி எதிர்வரும் 16ஆம் திகதி இலங்கைக்கு வரவுள்ளது.
