தமிழ் திரையுலகில் ஸ்டண்ட் மாஸ்டராக பணியாற்றி பின்னர் நடிகராக உயர்ந்த கோதண்டராமன் உடல்நலக்குறைவு காரணமாக தனது 65 ஆவது வயதில் காலமானார்.
பல படங்களில் சண்டைப் பயிற்சியாளராகப் பணியாற்றி வந்த கோதண்டராமன் துணை வில்லன் கதாபாத்திரங்களிலும் நடித்து வந்தார். சுந்தர் சி இயக்கத்தில் வெளியான கலகலப்பு படம் மூலம் பிரபலமடைந்தார்.
இந்நிலையில் உடல் நலக்குறைவு காரணமாக சிகிச்சை பெற்று வந்த அவர் சென்னை பெரம்பூரில் உள்ள அவரது இல்லத்தில் காலமானார். அவருடைய மறைவுக்கு திரையுலக பிரபலங்கள் பலரும் இரங்கல் தெரிவித்து வருகின்றனர்.
