2025 இந்தியன் பிரீமியர் லீக் போட்டியில் இன்று (07) நடைபெறும் ஆட்டத்தில் கொல்கத்தா நைட் ரைடர்ஸ் (KKR) அணி சென்னை சூப்பர் கிங்ஸ் (CSK) அணியை எதிர்கொள்ளவுள்ளது.
நடப்பு ஐ.பி.எல். தொடரின் 57 ஆவது போட்டியானது இன்றிரவு 07.30 மணிக்கு கொல்கத்தா ஈர்டன் கார்டன் மைதானத்தில் ஆரம்பமாகவுள்ளது.
அஜிங்க்யா ரஹானே தலைமையிலான KKR அணி, கடைசி போட்டியில் ராஜஸ்தான் ரோல்ஸ் அணியை ஒரு ஓட்டம் வித்தியாசத்தில் வீழ்த்தி பிளேஆஃப் சுற்றுக்கான பந்தயத்தில் இன்னும் உயிருடன் உள்ளது.
அவர்கள் தொடரில் ஐந்து போட்டிகளில் வெற்றி பெற்று, பல தோல்விகளை சந்தித்து புள்ளி பட்டியலில் ஆறாவது இடத்தில் உள்ளனர்.
பிளேஆஃப் சுற்றுக்கு தகுதி பெற மீதமுள்ள அனைத்து போட்டிகளிலும் வெற்றி பெற்று ஆக வேண்டும்.
CSK அணியானது, இதுவரை விளையாடிய 11 போட்டிகளில் மூன்றில் மட்டுமே வெற்றி பெற்று, புள்ளிப் பட்டியலில் கடைசி இடத்தில் உள்ளதுடன், அடுத்த சுற்றுக்கான வாய்ப்பினையும் இழந்துள்ளது.
கடைசி போட்டியில் பெங்களூரு ரோயல் சேலஞ்சர்ஸ் அணியிடம் 2 ஓட்டங்கள் வித்தியாசத்தில் தோல்வியடைந்தது.
ஐ.பி.எல். அரங்கில் இரு அணிகளும் இதுவரை 31 போட்டிகளில் நேருக்கு நேர் மோதியுள்ளன.
அதில் CSK அணியானது 19 வெற்றிகளையும், KKR அணியானது 11 வெற்றிகளையும் பதிவு செய்துள்ளன.
ஒரு போட்டி வெற்றி தோல்வியின்றி நிறைவடைந்துள்ளது.
