கொழும்பு, தெமட்டகொடையில் அமைந்துள்ள சியபத செவன அடுக்குமாடி குடியிருப்பு வளாகத்தில் இன்று (06) அதிகாலை தீ விபத்து ஏற்பட்டுள்ளது.
இந்த தீ விபத்தில் குடியிருப்புக்கு வெளியே நிறுத்தி வைக்கப்பட்டிருந்த பல வாகனங்கள் எரிந்து நாசமாகியுள்ளதாக பொலிஸார் தெரிவித்தனர்.
தெமட்டகொடை பொலிஸாரின் கூற்றுப்படி, கார் ஒன்றும் மற்றும் ஆறு முச்சக்கர வண்டிகள் சந்தேகத்திற்கிடமான சூழ்நிலையில் தீப்பிடித்தன.
பொலிஸாரின் துரித தொலைபேசி எண் 119 க்கு வந்த அழைப்பின் பேரில், சம்பவம் குறித்து அதிகாரிகளுக்கு தகவல் தெரிவிக்கப்பட்டது.
இதையடுத்து தீயை கட்டுப்படுத்த தெமட்டகொடை பொலிஸார், கிரேண்ட்பாஸ் தீயணைப்பு படையினருடன் ஒருங்கிணைந்து விரைவான நடவடிக்கை எடுத்தனர்.
இதனால், இதனால் அருகில் நிறுத்தப்பட்டிருந்த ஏனைய முச்சக்கர வண்டிகளுக்கும் தீ பரவாமல் தடுக்கப்பட்டது.
சம்பவ இடத்தை ஆய்வு செய்ய கொழும்பு வடக்கு குற்றப்பிரிவு மற்றும் அரசு பகுப்பாய்வாளர் துறை அதிகாரிகள் வரவழைக்கப்பட்டுள்ளனர்.
தீ விபத்துக்கான காரணம் இன்னும் கண்டறியப்படவில்லை.
இந்த சம்பவம் குறித்து விசாரணை நடந்து வருகிறது.
