அமெரிக்காவின் செல்வாக்குமிக்க நாளிதழ்களில் ஒன்றான ‘வொஷிங்டன் போஸ்ட்’ (The Washington Post)) நிறுவனத்தின் பிரதம நிறைவேற்று அதிகாரி வில்லியம் லூயிஸ் (William Lewis), தனது பதவியிலிருந்து விலகுவதாக அறிவித்துள்ளார்.
நிறுவனத்தில் மேற்கொள்ளப்பட்ட பாரிய ஆட்குறைப்பு நடவடிக்கைகளைத் தொடர்ந்து சில நாட்களிலேயே இந்த அதிரடி அறிவிப்பு வெளியாகியுள்ளது.
சுமார் 300 செய்தியாளர்கள் உட்பட ஊழியர்களில் மூன்றில் ஒரு பங்கினரை பணிநீக்கம் செய்த நிர்வாகத்தின் முடிவிற்குப் பெரும் எதிர்ப்பு கிளம்பியது.
குறிப்பாகஇ சர்வதேச செய்திகள் மற்றும் விளையாட்டுப் பிரிவுகள் முடக்கப்பட்டதும்இ யுக்ரைன் போன்ற முக்கிய பகுதிகளில் பணியாற்றிய செய்தியாளர்கள் நீக்கப்பட்டதும் ஊழியர்களிடையே கொந்தளிப்பை ஏற்படுத்தியது.
நிதி இழப்புகளை ஈடுகட்டவே இந்த கடினமான முடிவை எடுத்ததாகக் கூறிய வில்லியம் லூயிஸ், தற்போது பொறுப்பிலிருந்து விலகியுள்ளார்.அவருக்குப் பதிலாக நிதி அதிகாரி ஜெஃப் டி’ஓனோப்ரியோ (Jeff D’Onofrio) தற்காலிக பிரதம நிறைவேற்று அதிகாரியாக நியமிக்கப்பட்டுள்ளார்.
