இந்தியா-அமெரிக்கா வர்த்தக ஒப்பந்தம் தொடரும்

அமெரிக்க உச்சநீதிமன்றம் அதிரடி வரி விதிப்பு முறையை செல்லாது எனத் தீர்மானித்த பின்னரும், அமெரிக்க ஜனாதிபதி டொனால்ட் ட்ரம்ப் தனது வரி விதிப்பு அதிகாரம் பாதிக்கப்படவில்லை என்றும், இந்தியாவுடனான வர்த்தக ஒப்பந்தம் எந்தவித மாற்றமும் இல்லாமல் தொடரும் என்றும் உறுதிப்படுத்தியுள்ளார்.

ட்ரம்ப் வெளியிட்ட அறிக்கை மற்றும் சமூக வலைதள பதிவுகளில், ‘உச்சநீதிமன்றத்தின் புதிய தீர்ப்பு இந்தியா-அமெரிக்கா இடையிலான 18வீத இறக்குமதி வரி ஒப்பந்தத்தை எந்தவிதத்திலும் பாதிக்காது. ஒப்பந்தம் திட்டமிட்டபடி மார்ச் மாத இறுதியில் கையெழுத்தாகும்’ என்று குறிப்பிட்டார்.

இந்த ஒப்பந்தத்தின் முக்கிய அம்சங்களில், இந்தியாவிலிருந்து அமெரிக்காவிற்கு இறக்குமதி செய்யப்படும் பொருட்களுக்கு வரி விகிதங்கள் தெளிவாக நிர்ணயிக்கப்பட்டுள்ளன.

இதன் மூலம், இரு நாடுகளுக்கும் இடையிலான வர்த்தக உறவுகள் நிலைத்திருக்கும் என்பதுடன்,  வணிக வளர்ச்சி மற்றும் முதலீடு வாய்ப்புகள் தொடரும் என வணிக வல்லுநர்கள் மதிப்பிடுகின்றனர்.